Zaraz u Minsku terapieŭtaŭ aktyŭna pieravodziać na pracu pa pryncypie daktaroŭ ahulnaj praktyki, pry hetym miedyki prachodziać adpaviednaje navučańnie. Daktary ahulnaj praktyki buduć taksama kansultavać jak ŁORy, nieŭrołahi i aftalmołahi. Pra heta raspaviała Iryna Svorab, hałoŭny doktar 32-j haradskoj kliničnaj palikliniki Minska.
Płanujecca, što da 2020 hoda ŭ Biełarusi terapieŭtaŭ całkam zamieniać daktary ahulnaj praktyki. Siońnia takija daktary ŭ asnoŭnym pracujuć u rehijonach, dzie miedyk pavinien vałodać navykami pa sumiežnych śpiecyjalnaściach. Akramia taho, havorka idzie pra toje, što razam budzie pracavać kamanda — urač ahulnaj praktyki, pamočnik urača, miedsiastra.
— Daktary ahulnaj praktyki buduć vałodać bolš šyrokimi mahčymaściami ŭ lačeńni peŭnych nazałohij. Heta nazałohii doktara otarynałarynhałohii, nieŭrołaha, aftalmołaha, - raspaviała Iryna Svorab.
Na jaje dumku, pierachod terapieŭtaŭ na pracu pa pryncypie daktaroŭ ahulnaj praktyki dazvolić palepšyć dastupnaść akazańnia miedycynskaj dapamohi.
Śpiecyjalist nahadała, što ŭ stalicy idzie praca pa ŭkaranieńni ŭ paliklinikach elektronnaj karty ambułatornaha chvoraha. U tym liku heta aptymizuje pracu doktara-terapieŭta abo ŭrača ahulnaj praktyki.
Uvajšoŭšy na svaim pracoŭnym miescy ŭ elektronnuju kartu pacyjenta, doktar zmoža bačyć, da jakich śpiecyjalistam čałaviek źviartaŭsia raniej.
- Taksama jon bačyć vyniki daśledavańniaŭ, to, čym lačyli pacyjenta da prychodu da hetaha doktara. Akramia taho, tam budzie epikryz z stacyjanaraŭ i ŭsie vykliki chutkaj dapamohi, jakija pastupajuć ad pacyjenta, - skazała jana.
