U noč na 9 krasavika baza siryjskich vajskova-pavietranych sił T-4 u pravincyi Choms padpała pad rakietnuju ataku z boku Mižziemnaha mora. Pra svaju niedatyčnaść da ŭdaru zajavili ZŠA i Francyja, Izrail admoviŭsia ad kamientaroŭ. Pa źviestkach Minabarony Rasii, ataku ździejśnili źniščalniki izrailskich VPS. Nahadajem, što raniej Siryja śćviardžała, što adbiła rakietny ŭdar pa svajoj avijabazie, naniesieny ź Mižziemnaha mora.
Što adbyłosia
Ahienctva Associated Press sa spasyłkaj hrupu manitorynhu bajavych dziejańniaŭ paviedamiła pra 14 zabitych. Rami Abdurrachman, kiraŭnik Siryjskaha centra manitorynhu pa vykanańni pravoŭ čałavieka, zajaviŭ, što bolšaść zahinułych — irancy abo siabry hrupovak, jakija padtrymlivajucca Iranam.
Telekanał «Al-Majadzin» prainfarmavaŭ, što ŭ momant rakietnaj ataki vyviedvalnyja paloty ŭ prastory pamiž Siryjaj i Livanam vykonvali samaloty izrailskich VPS. Jak adznačali siryjskija ŚMI, rakiety byli vypuščanyja z boku Mižziemnaha mora i prajšli nad terytoryjaj Livana.
Pradstaŭniki Uzbrojenych sił Izraila ad kamientaroŭ ustrymalisia.
Ranicaj 9 krasavika były kiraŭnik upraŭleńnia raźviedki Vojska abarony Izraila Amos Jadlin u intervju ŚMI rastłumačyŭ, što rakietny ŭdar pa vajskovaj bazie ŭ pravincyi Choms treba razhladać u kantekście izrailska-iranskaha supraćstajańnia.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia4
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary