Viera i Andrej. Fota facebook.com.
Naradžała Viera ŭ Minskim abłasnym radzilnym domie, u płatnaj pałacie. Daktary zrabili joj kiesarava siačeńnie.
«My ŭžo nie studenty, byli peŭnyja miedycynskija ryzyki, ja vielmi pieražyvaŭ, ale ŭ vyniku ŭsio prajšło dobra», — nie chavaje emocyj novaśpiečany baćka.
Spadar Andrej jašče navat nie bačyŭ syna, tolki-tolki źbirajecca naviedać rodnych ludziej u balnicy. Tamu i ź imiom para nie vyznačyłasia. «Majecca try varyjanty mužčynskich imionaŭ. Jany ŭsie — niezaciahanyja i niadoŭhija. Abiarom kančatkovy varyjant paśla taho, jak ja ŭbaču syna (Viera skazała, što jon padobny na mianie). Kali ščyra, vybar imia mnie dajecca niaprosta. Tak, moj pieršy syn spačatku naradziŭsia Fiodaram, a paśla staŭ Hlebam», — padzialiŭsia dramaturh.
U sumie na dvaich u Andreja i Viery ciapier budzie piać dziaciej, ale Kurejčyk pryznajecca, što heta — nie prablema: jon vielmi lubić małych. Na bližejšyja miesiacy jon minimizavaŭ usie kamandziroŭki, kab być pobač z žonkaj. Paśla ŭ siamji buduć imknucca, kab Viera jak maha chutčej viarnułasia na pracu, bo heta losavyznačalna dla jaje karjery (Viera — biznes-kansultant). Andrej u dadzienym vypadku hatovy ŭziać na siabie častku siamiejnych abaviazkaŭ, bo ŭ asnoŭnym, jak dramaturh i scenaryst, pracuje z domu. Babul i ciotak ža, jakija b mahli dapamahać dahladać dziaciej, u ich pobač niama.
Što tyčycca tvorčych navin, to na dadzieny momant Kurejčyk tolki-tolki skončyŭ scenarnuju pracu nad prajektam na siamiejnuju tematyku «Našy dzieci». Apošnija sceny filma ciapier dazdymajucca ŭ Maskvie. Ihrajuć u stužcy takija akciory, jak Alaksiej Sierabrakoŭ, Raman Madzianaŭ, Kaciaryna Viłkava, Piatro Fiodaraŭ. U krasaviku startujuć zdymki prajekta «Bitva» z režysioram Anaram Abasavym.
U Biełarusi ž letam, narešcie, pavinien vyjści ŭ prakat jaho novy trymcieńnik, moładzievy chorar «Vurdałaki».
Čytajcie taksama:
Andrej Kurejčyk ženicca treci raz
P. S. Paźniej stała viadoma, što syna vyrašyli nazvać Płaton.