Sakratar Rady nacbiaśpieki i abarony Ukrainy Alaksandr Turčynaŭ u intervju vydańniu «Hordon» raspavioŭ padrabiaznaści sustrečy z Alaksandram Łukašenkam, jakaja adbyłasia ŭ kancy sakavika 2014 hoda.
Turčynaŭ raspavioŭ pra toje, jak u tyja dni rasijski bok śviadoma pravakavaŭ ukraincaŭ. Kožny dzień byli paviedamleńni ab aktyŭnaj padrychtoŭcy da ŭvarvańnia šmattysiačnaj hrupoŭki rasijskich vojskaŭ u niepasrednaj blizkaści da ŭkrainskaj miažy.
Usie bajazdolnyja častki Turčynaŭ daŭ kamandu pierakinuć z zachadu krainy na poŭnač i ŭschod dla stvareńnia tam abaronnych rubiažoŭ.
Kab skaracić kolkaść mahčymych napramkaŭ ŭdaru, Turčynaŭ sustreŭsia z Łukašenkam u sakaviku 2014 hoda.
«Jon paabiacaŭ, što z terytoryi jaho krainy ruskija nas atakavać nie buduć. Ale kali my raźvitvalisia, jon skazaŭ: «Ale ŭ krajnim vypadku ja papiaredžu za sutki…» Ja byŭ udziačny i za heta»,
— paviedamiŭ Turčynaŭ.
