Lidar apazicyjnaj partyi «Hramadzianskaja damova», deputat parłamienta Armienii Nikoł Pašynian zajaviŭ na płoščy Francyi ŭ Jerevanie, što abjaŭlaje «aksamitavuju, narodnuju i mirnuju revalucyju».
«U Hiumry tysiačy ludziej vyjšli na vulicy, u Idžavanie masavy strajk, pierakryta trasa Idžavan — Jerevan, u Vanadzory masavy strajk, u Jerevanie zabastoŭka i zabłakavanyja vulicy, u Kapanie i Macamory — strajki», — pryvodzić słovy Pašyniana partał Aysor. Pa słovach apazicyjaniera, u krainie «revalucyjnaja situacyja».
Akramia taho, Pašynian paviedamiŭ, što praviadzie 17 krasavika ŭ 18:30 pa miascovym časie «samy bujny mitynh u historyi Armienii na płoščy Respubliki».
Pa apošnich dadzienych pradstaŭnika pres-słužby palicyi Armienii Edhara Džanajana, u adździaleńnia palicyi ŭ Jerevanie dastaŭleny 80 čałaviek. Jany padazrajucca ŭ ździajśnieńni administracyjnych pravaparušeńniaŭ. Raniej Pašynian paviedamiŭ pra bolš čym 30 zatrymanych.
