MUS nie vitaje pasłableńnia adkaznaści pa «narkatyčnych» artykułach, u tym liku dla spažyŭcoŭ narkotykaŭ, zajaviŭ kiraŭnik viedamstva Ihar Šunievič.
— Pasłableńnie adkaznaści my nie vitajem, bo spažyviec sam pa sabie — heta rynak, utvareńnie narkarynku ŭ krainie. Nie zajmacca unutranym spažyvańniem, a prosta zmahacca z kanałami — heta zanadta adnaboka, plonu nie daść. Treba raznaviektarnyja namahańni prykładvać - i z spažyŭcami, i z narkadylerami i z kurjerami zmahacca, — skazaŭ Ihar Šunievič.
Svajaki asudžanych pa 328 artykule KK damahajucca pasłableńnia «narkatyčnych artykułaŭ», u tym liku dla spažyŭcoŭ narkotykaŭ. Taksama, pa dadzienych Hienprakuratury, zaraz razhladajecca pytańnie ab tym, kab dyfierencavać pakarańnie za pamier narkatyčnych rečyvaŭ.
— Kali zakanadaviec paličyć heta pravilnym, čamu nie? Ale jašče padkreślivaju: my nie dumajem, što heta panaceja, što jana pryniasie žadany vynik. Statystyka - reč upartaja, kožny narkaman za čas svajoj «prafiesijnaj dziejnaści» ad 8 da 10 dałučaje da spažyvańnia, - raskazaŭ ministr.
- Ci mahčyma źnižeńnie terminaŭ dla padletkaŭ? — spytali žurnalisty.
- Kali zakanadaŭcy paličać, što dla niejkaj katehoryi hramadzian heta mahčyma, ja ŭ hetym asabliva vialikaj biady nie baču. Ale MUS nie pierastanie pracavać z spažyŭcom, my budziem vyjaŭlać tych, chto spažyvaje narkotyki, niezaležna ad vahi, kolkaści, kratnaści i h.d. My inicyjatarami takoha pasłableńnia vystupać nie budziem.
Kamientary