«Kiraŭnictva za heta adkazvaje!» — z rabotnikaŭ «Minskenierha» prymusova źbirajuć hrošy na Čyrvony Kryž
U «Našu Nivu» źviarnulisia supracoŭniki «Minskich ciepłavych sietak», filijała RUP Minskenierha. Jany paviedamili, što na pradpryjemstvie źbirajuć pa 5 rubloŭ na biełaruski Čyrvony Kryž. Tym, chto zdavać nie choča, pahražajuć prablemami i źnižeńniem zarobku.
Ahułam na pradpryjemstvie musiać sabrać z rabotnikaŭ 7 tysiač 600 rubloŭ.
U Minskenierha paviedamili, što hrošy sapraŭdy źbirali.
«Heta źbiralisia hrošy pa filijale «Minskija ciepłavyja sietki». Kolki zdali, pakul nie skažu, ale narod adklikajecca», — adkazała Valancina Šaviel, rabotnik filijała i staršynia miascovaj arhanizacyi Čyrvonaha kryža.
Ale ci buduć nastupstvy, kali nie zdać tyja niaščasnyja 5 rubloŭ?
Tak, adkazvaje surazmoŭca, buduć.
«Jak vam skazać… Vykankam Leninskaha rajona adčytvajecca za heta ŭ harvykankamie. Administracyja našaha pradpryjemstva taksama adčytvajecca. Heta takaja hramadskaja dziejnaść, u jakoj my abaviazany raz na hod pryniać udzieł. Hetuju staŭku ŭ 5 rubloŭ Čyrvony kryž sam vyličvaje, sychodziačy z bazavaj vieličyni, u ich tam svaja sistema niejkaja, - kaža Šaviel. -
Ja liču, treba adhuknucca, kab naš filijał nie vyhladaŭ niaščasna. Kali nie zdać, to što budzie? Kali toje budzie, jak u minułym hodzie, kali padraździaleńni adkazvalisia, to tady Alaksandr Sidaraŭ davaŭ inšuju kamandu, bolš žorstkuju, razumiejecie? Bo jašče raz kažu, heta robić spravazdaču naša kiraŭnictva Buzo i Sidaraŭ, u vykankamie Leninskaha rajona. Ja liču, što 5 rubloŭ nie zusim takaja suma, kab upiracca».
Ciapier čytajuć
«Mielnikava pazyčała hrošy aktyvistam u Varšavie i nie prasiła viarnuć»5
Kamientary