Reuters.com
U karystalnikaŭ u Rasii ŭ noč na 22 krasavika źjavilisia prablemy z dostupam da sajta Google. Pa ich słovach, paśla apoŭnačy jany nie zmahli zajści na hałoŭnuju staronku pošukavaj sistemy.
Pry hetym karystalniki adznačajuć, što nie mohuć uvajści nie tolki na sajt pošukavaj sistemy, ale taksama na poštu Google i źviazanyja ź im resursy.
Prablemy z pracaj Google u Rasii pa stanie na 01:20 msk pakazvaŭ i manitorynhavy sajt downdetector.com. Pavodle jaho źviestak, asnoŭnyja prablemy paŭstali ŭ Maskvie, Sankt-Pieciarburhu, Kazani, Ižeŭsku i Krasnajarsku.
Hiendyrektar pravajdera Diphost Filip Kulin na svajoj staroncy ŭ Facebook paviedamiŭ pra błakavańnie cełaha šerahu IP-adrasoŭ Google.
Aficyjnych kamientaroŭ Raskamnahladu pra toje, ci błakavała viedamstva hetyja IP-adrasy, pakul nie pastupała.
