RBK
«Niekatoryja ŭ hetym budynku (budynku ŭrada Armieni) ličać, što narod tak ździŭleny i zadavoleny adstaŭkaj [eks-premjer-ministra] Sierža Sarhsiana, što paśla ŭčorašniaha śviatkavańnia zabyŭsia, navošta sabraŭsia», — zajaviŭ Pašynian. Pavodle jaho słoŭ, v.a kiraŭnika ŭrada Karen Karapiecian ličyŭ, što pratestoŭcy bolš nie vyjduć na novyja mitynhi.
«Karenu Karapiecianu varta biezumoŭna i biez umoŭ pryznać pieramohu našaj revalucyi i nie vyjaŭlać jakich-niebudź pažadańniaŭ zastavacca va ŭładzie. My patrabujem adzinahałosnaj i biezumoŭnaj kapitulacyi RPA», - abviaściŭ Nikoł Pašynian.
Hleb Haranič, Reuters
Jon adznačyŭ, što paśla adstaŭki Sarhsiana ŭrad krainy syšoŭ u adstaŭku, i ŭ Armienii ciapier niama dziejučaha ŭrada. Apazicyjanier zajaviŭ, što Karapiecian nie maje zakonnaha prava vykonvać abaviazki premjer-ministra.
