Mašyny DAI z pryborami fotafiksacyi parušeńniaŭ parkoŭki pačali pracavać u Minsku. Pra heta paviedamiŭ namieśnik staršyni UDAI HUUS Minharvykankama Andrej Zyranaŭ.
«U kožnym rajonie Minska zapracavali prahramna-aparatnyja kompleksy «Parkrajt». Jany aŭtamatyčna fiksujuć parušeńni praviłaŭ spynieńnia i stajanki. Pa anałohii z fotafiksacyjaj parušeńniaŭ chutkaści da adkaznaści pryciahvajecca ŭłaśnik transpartnaha srodku, takim ža čynam buduć nakiroŭvacca listy sa štrafami», — raspavioŭ Andrej Zyranaŭ.
U Nacyjanalnym aeraporcie Minsk pracuje taksama padraździaleńnie DAI Minska, abstalavanaje novym kompleksam.
Mašyna DAI prajazdžaje pa vulicy, fiksuje parušalnikaŭ, paśla jedzie pa tym ža maršrucie jašče raz. Kali za piać chvilin parušalnik nie źjechaŭ, jon aŭtamatyčna atrymaje štraf.
Štraf za parušeńnie pravił parkoŭki i stajanki składaje adnu bazavuju vieličyniu (24,50 rubloŭ).
