Biełaruskaja čyhunka paviedamiła, jak buduć vyrašać prablemu ź pierakrytaj čyhunkaj u rajonie Łuninca. Tam nad čyhunkaj łopnuli apory puciepravoda. Ciahnikam jeździć pad im niebiaśpiečna.
Z-za pahrozy biaśpiecy BČ vyrašyła zakryć ruch ciahnikoŭ na pierahonie Łuniniec — Lušča ŭčastka Łuniniec — Baranavičy.
Pa inšym maršrucie praz stancyju Žabinka buduć iści:
— pasažyrskija ciahniki mižrehijanalnych linij ekanomkłasa: № 609 Homiel — Hrodna, № 610 Hrodna — Homiel, № 635 Minsk — Pinsk, № 636 Pinsk — Minsk, № 658 Brest — Viciebsk, № 657 Viciebsk — Brest;
— ciahniki mižnarodnych linij № 372 Lvoŭ — Mahiloŭ i № 371 Mahiloŭ — Lvoŭ.
U pasažyraŭ, jakija jeduć ciahnikami rehijanalnych linij ekanomkłasa, maršrut budzie taki: dyzieli pajeduć ad stancyi Baranavičy da prypynačnaha punkta Dziatłavičy pierahona Lušča — Łuniniec. Dalej pasažyraŭ da stancyi Łuniniec paviazuć na aŭtobusach, takim samym čynam jany buduć dabiracca nazad.