104-hadovy hieabatanik i ekołah Devid Hudał, najstarejšy vučony Aŭstralii, źbirajecca zaviaršyć žyćcio z dapamohaj šviejcarskich daktaroŭ 10 maja, paviedamlaje CNN.
U navukoŭca niama ciažkich zachvorvańniaŭ, ale z uzrostam jakaść jaho žyćcia pahoršyłasia nastolki, što na svoj apošni dzień naradžeńnia jon pažadaŭ pamierci i raskazaŭ, jaki jon niaščasny.
«Ja chaču pamierci. Heta nie sumna. Sumna, kali kamuści nie dajuć hetaha zrabić», — skazaŭ jon.
Eŭtanazija ŭ Aŭstralii budzie dazvolena z červienia 2019 hoda, ale pracedura budzie dastupnaja tolki nievylečna chvorym ludziam z čakanaj praciahłaściu žyćcia mienš za paŭhoda.
«Ja nie chaču jechać u Šviejcaryju, choć heta i dobraja kraina, — padzialiŭsia Hudał. — Ale ja pavinien zrabić heta, kab atrymać mahčymaść pamierci, zabaronienuju ŭ Aŭstralii. Mnie vielmi kryŭdna … mnie 104 hady i ŭ mianie zastałosia nie tak šmat času. Majo zdaroŭje ŭsio paharšajecca, i heta robić mianie niaščasnym».
