Staličnyja śledčyja vyśviatlajuć abstaviny incydentu, jaki adbyŭsia 20 krasavika 2018 hoda na prypynku «Aŭtazavodskaja» pa Partyzanskim praśpiekcie Minska, paviedamlaje sajt Śledčaha kamiteta.
60-hadovy pasažyr zachodziŭ u sałon aŭtobusa, kali kiroŭca začyniŭ dźviery i pajechaŭ. U vyniku pasažyru zacisnuła ruku, jon zvaliŭsia i atrymaŭ traŭmu hałavy i pierałomy kaściej.
Kiroŭca aŭtobusa pazvaniŭ u chutkuju i svaim kaleham, jakija advieźli paciarpiełaha dadomu jašče da prychodu miedykaŭ.
Praź niekalki hadzin mužčynu stała błaha, i jaho špitalizavali ŭ balnicu.
U dačynieńni kiroŭcy zaviedzienaja kryminalnaja sprava za parušeńnie praviłaŭ darožnaha ruchu, što paciahnuła pa nieaściarožnaści pryčynieńnie ciažkaha cialesnaha paškodžańnia.
0
0
0
0
0
0
