Lehiendarny arhiencinski futbalist Dyjeha Maradona staŭ staršynioj praŭleńnia bresckaha «Dynama». Kantrakt padpisany terminam na try hady.
Paviedamlajecca, što Maradona budzie zajmacca pytańniami stratehičnaha raźvićcia kłuba, a taksama ŭzajemadziejničać z usimi jaho strukturnymi padraździaleńniami, u tym liku dziciačaj akademijaj bresckaha «Dynama».
Maradona prystupić da svaich paŭnamoctvaŭ paśla zakančeńnia čempijanatu śvietu ŭ Rasii.
«U Emirates Palace (Abu-Dabi) adbudziecca pres-kanfierencyja z udziełam Dyjeha Maradony i pradstaŭnikoŭ kłuba. Pra datu praviadzieńnia pres-kanfierencyi budzie abvieščana dadatkova», — paviedamiła pres-słužba kłuba.
Dyjeha Maradona — adzin z najlepšych futbalistaŭ u historyi. Pry hetym jahonaje kalafutbolnaje žyćcio supravadžałasia skandałami. Jon mieŭ prablemy z narkotykami i ałkaholem, a palityčnyja pohlady mianiaŭ jak palčatki.
