Sioleta čytačy znoŭ majuć mahčymaść uziać udzieł u składańni rejtynha najlepšych knih minułaha hodu. Zapracavała narodnaje hałasavańnie za knihu hoda, dzie kožny achvočy moža prahałasavać za tvory, naminavanyja na premiju «Kniha hoda».
Čytacki rejtynh maje simvaličnaje značeńnie. Vynik hałasavańnia budzie viadomy 31 maja. Svabodnaje hałasavańnie na staroncy kniha.of.by budzie mahčymym da 18:00 31 traŭnia. Pieramožca narodnaha hałasavańnia atrymaje pryz čytackich simpatyjaŭ, jaki budzie ahučany PEN-Centram.
Čytackaje hałasavańnie adbyvajecca druhi raz. U 2017 hodzie, ź inicyjatyvy čytačoŭ, była stvorana admysłovaja staronka, dzie kožny achvočy moh addać svoj hołas za ŭlubionuju knihu. Byŭ stvorany nieaficyjny čytacki rejtynh knih za 2016 hod. U minułym hodzie, pa viersii čytačoŭ, knihaj hodu stała «Radziva Prudok» Andrusia Horvata.
Sioleta my znoŭ zaprašajem čytačoŭ pryniać udzieł i stvaryć čytackuju dumku Biełarusi. Raz na sutki možna prahałasavać za lubyja try knihi ź dzieviaci naminavanych litaratarami na premiju PEN-Centra. Takim čynam, praź niekalki dzion budzie stvorany asobny rejtynh knih pa viersii čytačoŭ.
Aficyjnuju premiju «Kniha hoda» biełaruski PEN-Centr prysudžaje z 2014 hoda za najlepšuju knihu, vydadzienuju ŭ papiarednim hodzie. Knihi naminujuć litaratary i žury ŭ składzie 100 litarataraŭ abiraje pieramožcaŭ. Narodnaje, čytackaje hałasavańnie na sajcie kniha.of.by źjaviłasia ŭ dadatak da piśmieńnickaha ź inicyjatyvy čytačoŭ. Vyniki hałasavańnia nie ŭpłyvajuć na aficyjnuju premiju i nie zaležać ad jaje.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary