«Piać razoŭ mianiali vokładku». Čamu piacitomnik Aleksijevič nie vyjšaŭ da jaje jubileju
Arhanizatary zboru srodkaŭ na vydańnie piacitomnika Śviatłany Aleksijevič «Hałasy ŭtopii» paviedamili, što nie paśpiavajuć ŭkłaścisia ŭ abiacanyja terminy i pryvieźci knihi ŭ mai, piša Jeŭraradyjo:
«Uźnikła nievialikaja zatrymka, u suviazi z čym knihi pryjeduć u Minsk u dziasiatych dniach červienia. Prezientacyja ŭ Minsku zapłanavanaja na 25 červienia i projdzie ŭ OK16».
Vydaviec piacitomnika Ihar Łohvinaŭ tłumačyć Jeŭraradyjo, što zatrymka adbyłasia praz składanuju vokładku, jakuju daviałosia źmianiać piać razoŭ:
«Z vokładkaj šmat prablem u drukarni. Užo piać razoŭ mianiali jaje. Voś litaralna na dniach adpravili kančatkovy varyjant. Spadziajomsia, što knihi pryjeduć u Biełaruś u pačatku červienia».
Prablema zaklučajecca jašče i ŭ tym, što typahrafija, jakaja drukuje biełaruskija pierakłady asnoŭnych tvoraŭ nobieleŭskaj łaŭreatki, znachodzicca ŭ Ćviery, što za 725 kiłamietraŭ ad Minska.
Źjaŭleńnie biełaruskich pierakładaŭ Śviatłany Aleksijevič było b vydatnym padarunkam da 70-hadovaha jubileju, jaki piśmieńnica adznačaje siońnia, 31 traŭnia. Ale, na žal, atrymałasia tak, jak atrymałasia.
Kamientary