Katar chacieŭ by ŭstupić u NATA, ź jakoj u ciapierašni čas efiektyŭna supracoŭničaje. Pra heta ŭ intervju časopisu «Al-Talaija» zajaviŭ katarski vice-premjer, dziaržaŭny ministr abarony emirata Chaled bien Muchamied al-Atyja, pieradaje The Business Times.
«Heta supracoŭnictva raźvivajecca z kožnym dniom i moža pryvieści da raźmiaščeńnia na terytoryi Katara jakoha-niebudź padraździaleńnia abo śpiecyjalizavanaha centra NATA», — rastłumačyŭ palityk.
Pavodle jaho słoŭ, Katar — asnoŭny sajuźnik Paŭnočnaatłantyčnaha błoka pa-za aljansam. U emirata jość ambicyi damahacca paŭnavartasnaha siabroŭstva ŭ NATA ŭ tym vypadku, kali aljans płanuje pašyryć partniorstva.
Chaled bien Muchamied al-Atyja dadaŭ, što NATA mahła b dapamahčy Kataru ŭ baraćbie z teraryzmam, a taksama stać harantam biaśpieki i stabilnaści ŭ rehijonie.
U ciapierašni čas u Paŭnočnaatłantyčny aljans, zasnavany ŭ krasaviku 1949 hoda, uvachodziać 29 krain.
