Adpaviednaje rasparadžeńnie padpisana Łukašenkam 31 maja, i na kansiervacyju z restaŭracyjaj hetych abjektaŭ vydzielena bolš za miljon rubloŭ.
U hetym hodzie pačnucca pracy pa kansiervacyi z restaŭracyjaj paŭnočna-zachodniaj ściany Kreŭskaha zamka ŭ Smarhonskim rajonie i Paŭnočnaj viežy Halšanskaha zamka na Ašmianščynie.
— Na praviadzieńnie rabot na viežy Halšanskaha zamka vydzielena 250 tysiač rubloŭ. Prajektam praduhledžana restaŭracyja mura ścien, uładkavańnie dachu, unutranaje azdableńnie viežy, ustanoŭka stalarnych vyrabaŭ i uładkavańnie demanstracyjnych leśvic na druhi pavierch viežy, — raspaviała «Hrodzienskaj praŭdzie» načalnik upraŭleńnia kultury abłvykankama Alena Klimovič.
Na pracy na Kreŭskim zamku vydzielena amal 900 tysiač rubloŭ.