Razam z Bukmiekierskaj kantoraj Marafon my praciahvajem sačyć za čempijanatam Biełarusi!
Jak chutka lacić čas. Zdavałasia, čempijanat tolki-tolki startavaŭ, a ŭžo treba padvodzić vyniki traciny pieršynstva.
Paśla dziasiataha tura ŭ tablicy nie zastałosia nuloŭ: urešcie pieršych viktoryj dabilisia «Homiel» i «Haradzieja». I kali pieramoha «Homiela» nad «Promieniem» — vynik dosyć prahnazavany, to kanfuzu ad BATE jaŭna nichto nie čakaŭ.
Momant, kali Siarhiej Usienia zdabyŭ dla «Haradziei» pieršuju pieramohu ŭ čempijanacie. Fota FK «Haradzieja».
Čakać nie staŭ i Anatol Kapski dy zvolniŭ Aleha Dułuba naŭprost na nastupny dzień paśla pieršaj parazy ŭ čempijanacie. Złyja jazyki kažuć, što ŭ «žoŭta-siniaj siamji» Dułub tak i nie zdoleŭ stać svaim, a hulcy nie zmahli prystasavacca da mietadaŭ śpiecyjalista. Ciapier BATE budzie rulić Alaksiej Baha.
Ironija losu, ale adzinym biełaruskim top-kłubam, jaki prajšoŭ pačatak čempijanatu biez kataklizmaŭ, akazałasia minskaje «Dynama». Siarhiej Hurenka spakojna pieražyŭ maj, a jahonaja kamanda skarystałasia padarunkam barysaŭcaŭ i viarnułasia ŭ čempijonskuju honku.
U mižturavuju paŭzu dźvie tavaryskija hulni paśpieła zhulać nacyjanalnaja zbornaja. Śpiarša ŭ Breście padnačalenyja Ihara Kryvušenki zhulali ŭničyju ź vienhrami (1:1), a ŭ subotu ŭ Tampiere prajhrali finam (0:2).
Pahladzim, što cikavaha nam pryniasie adzinaccaty tur vyšejšaj lihi!
«Smalavičy» — «Haradzieja»
- 11.06 / 17:45. a/h Kastryčnicki, FAK
- Kaeficyjenty: «Smalavičy» (pieramoha) — 3.16, ničyja — 2.82, «Haradzieja» (pieramoha) — 2.54
Derbi tych, chto abitaje na dnie akijana tablicy.
«Smalavičy» jak pieramahli «Dniapro» u siomym tury, tak, vidać, i rassłabilisia. U troch apošnich turach — usiaho 1 ačko i anivodnaha hoła.
A voś «Haradzieja» mała taho što narešcie pieramahła, dyk jašče i Bojan Dubaič adkryŭ lik zabitym miačam u siezonie. Tamu vielmi-vielmi aściarožna kamandu ź Niaśvižskaha rajona možna nazvać favarytam hulni.
Ale my lepš pierastrachujemsia.
Prahnoz «NN»: totał mienšy za 2,5.
«Pramień» — «Nioman»
- 11.06 / 19:45. Minsk, SAK «Alimpijski»
- Kaeficyjenty: «Pramień» (pieramoha) — 3.84, ničyja — 2.82, «Nioman» (pieramoha) — 2.23
Šykoŭnaja sieryja «Niomana» z čatyroch pieramoh skončyłasia ŭ dziasiatym tury parazaj ad «Šachciora», jakaja adkinuła hrodziencaŭ na piaty radok. Ale ŭ paniadziełak jość niebłahija šancy raspačać novuju sieryju.
«Pramień» pakul idzie lepš za ŭsich debiutantaŭ «vyški», ale nie moža pieramahčy ŭžo čatyry tury zapar. Chutčej za usio, sieryja prałanhirujecca jašče jak minimum na adzin.
Prahnoz «NN»: pieramoha «Niomana».
«Słuck» — «Dniapro»
- 12.06 / 17:00. Słuck, «Haradski»
- Kaeficyjenty: «Słuck» (pieramoha) — 1.82, ničyja — 3.20, «Dniapro» (pieramoha) — 4.95
Bukmiekiery ŭpeŭniena vyłučyli «Słuck» favarytam hulni. Zdavałasia, pahladzi ŭ tablicy dy pahadzisia, ale nie ŭsio tak prosta.
Tak, «Dniapro» užo šeść turaŭ nie pieramahaje, skaciŭšysia ŭ druhuju pałovu tablicy. Ale ž i «Słuck», licha startanuŭšy, zabuksavaŭ i amal biezapielacyjna sastupiŭ u apošnich dvuch turach.
Jaŭhien Šykaŭka zhulaŭ pieršy tajm subotniaha sparynhu nacyjanalnaj zbornaj ź finami. Ničym nie adznačyŭšysia, Šyk viartajecca ŭ Słuck, ale nieviadoma, u jakoj kandycyi budzie forvard u aŭtorak.
Jaŭhien Šykaŭka ŭ hulni suprać zbornaj Finlandyi. Fota ABFF.
Na minułym tydni «Słuck» adznačyŭ svajo 20-hodździe, ale ci zdoleje kamanda padaravać zaŭziataram pieramohu — toje jašče pytańnie.
Prahnoz «NN»: «Dniapro» nie sastupić.
«Minsk» — «Isłač»
- 12.06 / 18:45. Stadyjon FK «Minsk»
- Kaeficyjenty: «Minsk» (pieramoha) — 2.82, ničyja — 2.82, «Isłač» (pieramoha) — 2.82
Bukmiekiery ŭmyli ruki i admovilisia vyłučać favaryta ŭ dadzienaj hulni. Pieramohaj ź likam 6:1 «Minsk» zbłytaŭ usie karty.
Jak by toje ni było, «Minsk» nie pierastaŭ być adnym z aŭtsajdaraŭ čempijanatu. Tym bolš paśla razhromu «Tarpieda» adbyłasia paraza ad minskaha «Dynama».
«Isłač» nie prajhraje try hulni zapar, u minułym tury adaleŭšy «Smalavičy». Tamu my, u adroźnieńnie ad bukmiekieraŭ, budziem ličyć favarytam kamandu Vitala Žukoŭskaha.
Prahnoz «NN»: pieramoha «Isłačy».
«Viciebsk» — «Tarpieda-Minsk»
- 12.06 / 20:45. CSK «Viciebski»
- Kaeficyjenty: «Viciebsk» (pieramoha) — 1.42, ničyja — 4.05, «Tarpieda-Minsk» (pieramoha) — 8.80
«Viciebsk» zdoleŭ skarystacca niaŭdałym startam «Šachciora» i bresckaha «Dynama» i staŭ treciaj siłaj čempijanatu. Nieviadoma, ci nadoŭha chopić hulcoŭ Siarhieja Jasinskaha, ale hulnia z «Tarpieda» — vydatnaja mahčymaść zatrymacca na trecim radku.
«Tarpieda» krychu apraŭdałasia pierad zaŭziatarami za 1:6 ad «Minska», vyrvaŭšy ničyju ŭ hulni z bresckim «Dynama». Niahledziačy na heta, «aŭtazavodcy» nie viedajuć smaku pieramohi bolš za dva miesiacy i stanoviacca adnym z hałoŭnych pretendentaŭ na panižeńnie ŭ kłasie.
Prahnoz «NN»: pieramoha «Viciebska».
«Šachcior» — «Tarpieda-BiełAZ»
- 13.06 / 17:00. Salihorsk, «Budaŭnik»
- Kaeficyjenty: «Šachcior» (pieramoha) — 1.70, ničyja — 3.28, «Tarpieda-BiełAZ» (pieramoha) — 5.85
«Šachcior» pry Siarhieju Tašujevie nie viedaje, što takoje prajhravać. U siami matčach pad kiraŭnictvam rasijskaha śpiecyjalista «harniaki» zdabyli piać pieramoh i jašče dvojčy padzialili ački.
Hulcy «Šachciora» śviatkujuć hoł u bramu «Niomana». Fota FK «Šachcior».
Ale napieradzie sustreča z kamandaj Aleha Kubarava, dla jakoha «Šachcior» zastajecca pryncypovym supiernikam. Mienavita žodzincy naprykancy minułaha siezona pierakreślili čempijonskija ambicyi «žoŭta-čornych».
Ci zmoža «Tarpieda» spynić krejsierski chod «Šachciora» da viaršyni tablicy, pabačym u sieradu.
Prahnoz «NN»: «Šachcior» nie sastupić.
BATE — «Homiel»
- 13.06 / 18:45. Barysaŭ Arena
- Kaeficyjenty: BATE (pieramoha) — 1.24, ničyja — 5.15, «Homiel» (pieramoha) — 15.75
Źmieny ŭ BATE adbylisia ŭ vielmi niazručny čas dla «Homiela». Pad kiraŭnictvam «svajho» treniera barysaŭcy mohuć uspomnić, što takoje pieramahać z bujnym likam.
Tym bolš u skład musić viarnucca Michaił Hardziajčuk, jaki ź nieviadomych pryčyn adsutničaŭ u apošnich hulniach BATE.
«Homielu» i jahonym zaŭziataram možam tolki paspačuvać.
Prahnoz «NN»: pieramoha BATE.
«Dynama-Brest» — «Dynama-Minsk»
- 13.06 / 20:45. DASK «Brescki»
- Kaeficyjenty: «Dynama-Brest» (pieramoha) — 2.68, ničyja — 2.86, «Dynama-Minsk» (pieramoha) — 2.93
Kalandar vynies matč tura na jaho zakančeńnie.
Paśla pieramohi ŭ Kubku bieraściejcy nijak nie mohuć pieramahčy. Try ničyi zapar, u dvuch apošnich matčach abaroncy dazvolili zraŭniać lik užo ŭ dadadzieny čas.
Hulcy bresckaha «Dynama» pośle matča z «Tarpieda». Fota FK «Dynama-Brest».
Turnirnyja prablemy zmusili kiraŭnictva kłuba pajści na surjozny krok i admianić śviatkavańnie pieramohi ŭ Kubku Biełarusi.
U adnakłubnikaŭ ź Minska, zdajecca, usio dobra. Kamanda ŭpeŭniena idzie ŭ topie tablicy, za dziesiać turaŭ prajhraŭšy ŭsiaho adnojčy.
Chacia bukmiekiery addajuć minimalnuju pieravahu «dynamaŭcam» z Bresta, my pastavim na minčukoŭ.
Prahnoz «NN»: «Dynama-Minsk» nie sastupić.
Mahčyma, viečaram budniaha dnia budzie składana dabracca da stadyjonaŭ. Ale nie maje značeńnia, pierad ekranam televizara, smartfona, ci na trybunach, staŭka ŭ Bukmiekierskaj kantory Marafon zrobić prahlad futboła jašče cikaviejšym!
