Pry pryjomie ŭ himnazii buduć uličvać, jak doŭha dzicia zarehistravana pa patrebnym adrasie
Zaŭtra, 12 červienia, pačynajecca kampanija pa nabory dziaciej u škoły i himnazii. U hetym hodzie adrazu niekalki navin. Pa-pieršaje, admienieny ŭstupnyja ekzamieny ŭ himnazii, u 5-y kłas piarojduć tyja, chto vučyŭsia ŭ himnazii ŭ čaćviortym kłasie. Pa-druhoje, pry zaličeńni ŭ himnazii pieršakłaśnikaŭ buduć uličvać praciahłaść časovaj rehistracyi pa adrasie, jaki adnosicca da ŭstanovy adukacyi. Kali dzicia było zarehistravana pa patrebnym adrasie mienš za hod tamu, pytańnie budzie razhladać śpiecyjalnaja kamisija, piša Tut.by.
Z 12 červienia pa 28 žniŭnia ŭ škołach i himnazijach buduć pracavać pryjomnyja kamisii. Kab stać vučniem himnazii, ciapier važna, kab dom, u jakim zarehistravany budučy pieršakłaśnik, terytaryjalna adnosiŭsia mienavita da hetaj ustanovy. U takich dziaciej pryjarytet, astatnija žadajučyja zaličvajucca pry najaŭnaści svabodnych miescaŭ.
Daviedaŭšysia pra hetyja naviny, niekatoryja baćki stali afarmlać časovuju rehistracyju dziaciej pa adrasie, da jakoha naležyć bolš prestyžnaja himnazija. Akazałasia, takaja rehistracyja nie harantuje na 100%, što dzicia budzie zaličany ŭ pieršy kłas.
- Kali časovaja rehistracyja mienš za hod, pytańnie ab zaličeńni prymaje kamisija. Kiraŭnik ustanovy adukacyi svaim zahadam vyznačaje skład kamisii, jakaja budzie razhladać zajavy ad baćkoŭ abo zakonnych pradstaŭnikoŭ, - raspaviali TUT.BY u kamitecie pa adukacyi Minharvykankama.
Takija dzieci (z rehistracyjaj mienš za hod) padajuć zajavy ŭ himnazii z 13 červienia pa 28 žniŭnia, a 28—29 žniŭnia kamisija vyrašyć, chto stanie pieršakłaśnikam himnazii, a chto nie. Takoje rašeńnie pryniaŭ Minharvykankam 7 červienia.
- Heta zroblena dla taho, kab usio było ŭ pravavym poli, kab źniać napružańnie ŭ baćkoŭ. Kožnaja ŭstanova adukacyi pa-svojmu dobra, i ŭ kožnym pracujuć vopytnyja piedahohi. Treba zrabić tak, kab dziciaci było kamfortna, i ŭličvać, kudy jamu jeździć, jaho biaśpieku, — adznačajuć u kamitecie pa adukacyi Minharvykankama.
Taksama padčas zaličeńnia ŭ himnaziju na volnyja miescy pieravaha addajecca dzieciam supracoŭnikam ustanovy adukacyi.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy1
Kamientary