Kiraŭnik urada Hrecyi Aleksis Cypras i premjer-ministr Makiedonii Zoran Zajeŭ damovilisia pra źmienu nazvy byłoj Juhasłaŭskaj Respubliki. Kančatkova pytańnie budzie vyrašana, paśla taho jak dakumient zaćvierdziać urady dźviuch krain.
«U mianie jość dobryja naviny… my dasiahnuli pahadnieńnia z premjer-ministram Byłoj Juhasłaŭskaj Respubliki Makiedonija pa pytańni, jakoje ŭžo šmat hadoŭ vyklikaje sprečku», — skazaŭ Cypras.
Padrabiaznaści pahadnieńnia nie ŭdakładniajucca. Raniej Zajeŭ kazaŭ, što jaho kraina moža być pierajmienavana ŭ Ilindenskuju Makiedoniju.
Suprać pierajmienavańnia vystupiła makiedonskaja apazicyja, hałasy jakoj buduć nieabchodnyja dla ŭniasieńnia źmianieńniaŭ u Kanstytucyju.
Makiedonija — byłaja Juhasłaŭskaja Respublika. Kali jana atrymała niezaležnaść, to jaje nazva nie była pryznana Hrecyjaj. U Afinach patłumačyli heta tym, što ŭ Hrecyi jość pravincyja z anałahičnaj nazvaj, a Skopje na hetaj padstavie budzie na jaje pretendavać.
U vyniku Makiedonija była pierajmienavana ŭ Byłuju Juhasłaŭskuju Respubliku Makiedonija, ale hetaja nazva hrekaŭ taksama nie zadavalniała.
Praz sprečki pamiž dźviuma krainami Makiedonija da hetaha času nie mieła prava pretendavać na ŭstupleńnie ŭ ES, pakolki Hrecyja błakavała lubyja pieramovy na hetuju temu.
