Hamialčancy, u jakoj usio ŭ siamji dobra, pryhrazili ŭlikam za toje, što jana nie pracuje z 18 maja
U liście, jaki atrymała ad zahadčyka sadka №160 Savieckaha rajona hamialčanka Natalla, napisana, što žyllova-bytavyja ŭmovy, u jakich vychoŭvajecca jaje dzicia, narmalnyja, ale, pakolki maci nie pracaŭładkavanaja z 18 maja 2018 hoda, dzicia znachodzicca ŭ ekstremalnaj žyćciovaj situacyi.

Čynoŭniki paviedamlajuć hamialčancy, što, «pry praviadzieńni sacyjalnaha rasśledavańnia», imi byŭ vyjaŭleny kryteryj sacyjalna-niebiaśpiečnaha stanovišča, u jakim nibyta znachodzicca dzicia: maci nie pracaŭładkavanaja z 18 maja 2018 hoda. Pakolki list datavany 5 červienia, faktyčna, dziaržava sabrałasia ŭziać na kantrol maci, jakaja nie pracavała na toj momant usiaho krychu bolš za dva tydni.
«Niepaŭnaletniaja znachodzicca ŭ niespryjalnych umovach, ekstremalnaj žyćciovaj situacyi», — stroha zaŭvažajuć čynoŭniki.
Razam z tym, źviartaje na siabie ŭvahu toj fakt, što, u pryncypie, va ŭsim, što tyčycca vychavańnia dziciaci, spravy ŭ Natalli iduć amal idealna, i heta taksama zafiksavana ŭ liście.

Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Kamientary