12 červienia ŭ horadzie Hožuŭ-Vielkapolski (na zachadzie krainy) zatrymali dvuch biełarusaŭ 35-ci i 46-ci hadoŭ. Było ŭstanoŭlena, što biełarusy vykarystoŭvali padroblenyja paśviedčańni ab naradžeńni, zhodna ź jakimi jany pa nacyjanalnaści sapraŭdnyja palaki, piša euroby.info.
Adzin z zatrymanych dziela Polščy navat pamianiaŭ proźvišča ŭ dakumientach na Novak. Inšy ŭžo zdoleŭ sabrać uvieś pakiet dakumientaŭ i padać jaho ŭ dziaržaŭnyja orhany dla atrymańnia pastajannaha vidu na žycharstva ŭ Polščy.
Abodva pajšli na ździełku z pravasudździem, dziela źmiakčeńnia pakarańnia pryznalisia ŭ vykarystańni padrobnych dakumientaŭ i byli aštrafavanyja pa 1000 polskich złotych kožny, nu a dla dalejšaha lehalnaha znachodžańnia ŭ Jeŭrasajuzie im pryjdziecca šukać inšyja pryčyny.
