Siońnia ŭ Minsku prachodzić pasiadžeńnie kalehii Ministerstva ŭnutranych spraŭ. Asnoŭnaje pytańnie paradku dnia — pavyšeńnie efiektyŭnaści raboty pa prafiłaktycy, vyjaŭleńni i niedapuščeńni ździajśnieńnia złačynstvaŭ suprać pałavoj niedatykalnaści abo pałavoj svabody niepaŭnaletnich. Pra vyniki sustrečy piša pres-słužba MUS.
Za apošnija šeść hadoŭ kolkaść złačynstvaŭ, praduhledžanych artykułami 166—170 Kryminalna kodeksa Respubliki Biełaruś, pavialičyłasia praktyčna ŭ 16 razoŭ. Kolkaść paciarpiełych dziaciej — amal u 4 razy. Pa vynikach piaci miesiacaŭ 2018 hoda prablema praciahvaje zachoŭvać svaju aktualnaść. Kolkaść dziaciej, jakija paciarpieli ad złačynnych dziejańniaŭ piedafiłaŭ, pavialičyłasia ŭ paraŭnańni ź minułym hodam u 1,5 razu, a padazravanych — u 1,7 razu. Kolkaść vyjaŭlenych złačynstvaŭ vyrasła ŭ 1,4 razu.
Značnaja dola padobnych złačynstvaŭ ździajśniajecca baćkami, apiekunami, a taksama piedahohami, miedycynskimi rabotnikami, čyja dziejnaść źviazana sa stasunkami ź dziećmi. Łatentnaść źjavy dazvalaje piedafiłam i ich achviaram doŭhi čas zastavacca nie ŭ poli zroku pravaachoŭnych orhanaŭ.
Dla efiektyŭnaha procidziejańnia zamachu na pałavuju svabodu niepaŭnaletnich nieabchodny sistemny padychod, jaki praduhledžvaje kompleks arhanizacyjnych i praktyčnych mier z pryciahnieńniem usich zacikaŭlenych ad dziaržaŭnych orhanaŭ. U pryvatnaści, naśpieła nieabchodnaść uviadzieńnia kryminalnaja adkaznaści za hruminhavyja złačynstvy — psichałahičnuju padrychtoŭku i schileńnie dziaciej da seksualnych adnosin pry dapamozie sietki Internet, a taksama kalekcyjanavańnie dziciačaj parnahrafii, to bok zachoŭvańnie biez mety zbytu. Ciapier prapracoŭvajecca pytańnie ab ŭniasieńni ŭ zakanadaŭstva adpaviednych źmianieńniaŭ i dapaŭnieńniaŭ.