42-hadovy amierykaniec Mark Ałan Bierkavic padazrajecca ŭ tym, što ŭdaryŭ žonku małatkom pa hałavie. Kali jon vyjaviŭ, što jana jašče žyvaja, uziaŭ šnur i zadušyŭ jaje.
Zahinułaja — 33-hadovaja ŭradženka Słucka Anastasija Savickaja.
Mark Ałan Bierkovic byŭ zatrymany palicyjaj u čaćvier ranicaj.
Pa dadzienych NBC 6, Anastasija płanavała raźvieścisia z mužam. Kali mužčyna daviedaŭsia, što žonka pierapisvajecca ź inšym mužčynam, jon razzłavaŭsia.
Pakul jaho žonka spała, mužčyna ŭziaŭ małatok i ŭdaryŭ jaje pa hałavie.
Ich vaśmihadovy syn Edryjan u hety momant spaŭ pobač z mamaj. Jon pračnuŭsia, i mužčyna paprasiŭ jaho adviarnucca. Bierkovic nie chacieŭ, kab syn bačyŭ, što toj zrabiŭ z maci. Zatym jon pieranios žonku ŭ haścinuju. Ubačyŭšy, što jana jašče žyvaja, schapiŭ šnur i zadušyŭ jaje.
Paźniej chłopčyk raspavioŭ palicyjantam, što bačyŭ kroŭ na hałavie mamy.
Siamiejnaja para žyła ŭ domie razam z Barbaraj Uotersan — maci padazravanaha. Žančyna skazała, što jaje razbudziŭ syn i skazaŭ, što zabiŭ Anastasiju. Žančyna vyklikała palicyju.