Siabroŭ haradzienskaj arhanizacyi AHP Salanika i Łaŭrenćjeva zatrymali siońnia «ludzi ŭ cyvilnym». Aktyvisty płanavali pravieści ŭłasnuju akcyju, prymierkavanuju da 3 lipienia — aficyjnaha Dnia Niezaležnaści Biełarusi. Pavodle śviedki, pryčynu zatrymańnia im nie nazvali, prosta «schapili, vielmi žorstka załamali ruki i paciahnuli ŭ mašynu». U vyniku ich dastavili ŭ milicyju, ale Salanika z Kastryčnickaha RAUS pavieźli na chutkaj u špital, u jaho chvoraje serca. Pavodle pravaabaroncy Viktara Sazonava, abodvuch buduć sudzić zaŭtra.
— Mikałaj Salanik — u špitali, a Łaŭrenćjeva da zaŭtra, ja dumaju, nie vypuściać. Jon apranuty ŭ turemnuju robu, i chutčej za ŭsio ŭ hety dzień, jaki źjaŭlajecca aficyjna śviatočnym dniom, jaho ŭ takoj vopratcy naŭrad ci zachočuć vypuskać na hetyja mierapryjemstvy, što tut pravodziacca. Spadziavańniaŭ, što jaho adpuściać, biezumoŭna, niama. Na jaho składuć pratakoły i pakinuć da suda.
Ranicaj siabry AHP Mikałaj Salanik i Alaksandar Łaŭrenćjeŭ nakiroŭvalisia ŭ centr horada, kab pa-svojmu adznačyć 3 Lipienia.
U Harodni zatrymali kiraŭnika abłasnoj arhanizacyi Abjadnanaj hramadzianskaj partyi Mikałaja Salanika i aktyvista Alaksandra Łaŭrenćjeva. Jany mieli siońnia pravieści akcyju—pierformans u abaronu pravoŭ čałavieka.
Zatrymanych siońnia nieviadomymi ludźmi siabroŭ Abjadnanaj hramadzianskaj partyi Mikałaja Salanika i Alaksandra Łaŭrenćjeva znajšli. Jany znachodziacca ŭ Kastryčnickim rajonnym adździaleńni ŭnutranych spraŭ. Paśla taho, jak ich siudy pryvieźli, zastaŭsia adzin Alaksandr Łaŭrenćjeŭ. U Mikałaja Salanika adbyŭsia hipiertaničny kryzis. Pakolki jon źjaŭlajecca invalidam druhoj hrupy pa chvarobie serca, to jaho nakiravali ŭ treciuju balnicu ŭ Harodni. Pakul abvinavačvańnie im nie pradjaŭleny. Viadoma, što siarod aktyvistaŭ, što prysutničali pry žorstkim zatrymańni nieviadomymi ludźmi, byŭ Jaŭhien Dudkin, jaki padaŭ zajavu ŭ milicyju pa fakcie vykradańnia. Taksama ŭ zajaŭcy ŭkazany šerah śviedkaŭ, jakija prysutničali pry hetym žorstkim zatrymańni.
Mikałaj Salanik i Alaksandr Łaŭrenćjeŭ u turemnych robach urešcie vyjšli na vulicu. Na aktyvistaŭ tut ža nakinulisia nieviadomyja ŭ cyvilnym, vielmi žorstka i brutalna skrucili, kinuli ŭ bus i vyvieźli ŭ nieviadomym kirunku. Žurnalista Rusłana Kuleviča adzin z napadnikaŭ udaryŭ kułakom u tvar.
Nichto z napadnikaŭ, a heta, napeŭna, byli siłaviki, nie nazvaŭsia i nie pakazvaŭ dakumientaŭ. Pry tym prysutničała mnoha milicyi i DAI ŭ formie — hetyja supracoŭniki orahanŭ stajali moŭčki i nijak nie raehavali. Dzie zaraz znachodziacca Salanik i Łaŭrenćjeŭ, pakul nieviadoma.
Ranicaj 3-ha lipienia milicyja sprabavała zatrymać kiraŭnika abłasnoj arhanizacyi Abjadnanaj hramadzianskaj partyi Mikałaja Salanika i aktyvista Alaksandra Łaŭrenćjeva.
