U Minskim rajonie pjanyja baćka i syn źbili taksista, paviedamlaje UUS Minabłvykankama.
Nočču 2 lipienia 34-hadovy taksist vioz ź vioski Voŭčkavičy ŭ ahraharadok Ščomyślica čatyroch pasažyraŭ. Dva ź ich vyjšli na adnoj vulicy, jašče dvuch jon pavioz na inšuju.
Kali pasažyry vychodzili z aŭto, u adnaho mužčyny razarvaŭsia pakiet z praduktami. Usie vysypałasia na kilimok. Kiroŭca paprasiŭ prybrać za saboj, adnak pasažyry z hetym nie pahadzilisia. Spačatku pasažyry pačali svarycca z taksistam, a zatym u chod pajšli kułaki. Niekalki razoŭ udaryŭšy taksista, napadniki schavalisia.
Milicyjanty apieratyŭna vyśvietlili asoby ahresiŭnych pasažyraŭ. Heta byli baćka i syn. Pryčynu svaich dziejańniaŭ jany rastłumačyć tołkam nie zdoleli, spasyłajučysia na toje, što byli mocna pjanymi.
Mužčynam pahražaje pakarańnie ažno da šaści hadoŭ pazbaŭleńnia voli.