Spring news
Vyratavalniki ŭ Tajłandzie vyvieli ź piačory Kchao Łuanh na pavierchniu apošniaha z 12 školnikaŭ i treniera, jakija znachodzilisia ŭnutry bolš za dva tydni, paviedamlaje spring news.
Nahadajem, što školniki, udzielniki futbolnaj kamandy, trapili ŭ taki niezvyčajny pałon 23 červienia, 2 lipienia było vyjaŭlena ich miescaznachodžańnie.
Apieracyja pa vyratavańni pačałasia ŭ niadzielu. Kožny dzień na pavierchniu vyvodzili pa čatyry čałavieki.
Hrupa školnikaŭ va ŭzroście ad 11 da 16 hadoŭ i ich futbolny trenier zajšli ŭ piačoru na poŭnačy krainy 23 červienia, kali tam było sucha, adnak nieŭzabavie paśla taho, jak jany apynulisia ŭnutry, pajšoŭ doždž, uvachod zatapiła i zavaliła kamianiami. Apieracyja pa ich pošuku praciahvałasia 10 dzion. Ludziej znajšli žyvymi 2 lipienia za čatyry kiłamietry ad uvachodu ŭ piačoru. Pieršapačatkova źjaŭlałasia infarmacyja, što im pryjdziecca prasiedzieć u pastcy da vieraśnia ci kastryčnika hetaha hoda — da zakančeńnia siezona daždžoŭ.
Za apieracyjaj pa vyratavańni sačyŭ uvieś śviet.
