Akvaparki Biełarusi: dzie papłavać, kali ŭ tvajoj krainie niama mora
Usie akvaparki Biełarusi: Lebiadziny, Drymłend, Frystajł, Maładziečna, Žłobin, Pružany, Hrodna, Kobryn i inšyja. Kantakty, ceny, źnižki, adrasy.
Jašče ŭ pačatku 2000-ch u našaj krainie nie było nivodnaha akvaparka, ciapier ža ich kolkaść pieraŭzyšła dziasiatak. Niekatoryja z akvaparkaŭ svaimi pamierami bolš nahadvajuć vialiki basiejn, ale toje nadaje im niejkaj svajoj utulnaści. Čatyry z adzinaccaci akvaparkaŭ raźmiaščajucca ŭ Minsku. Astatnija — u Maładziečnie, Hrodnie, Kobrynie, Pružanach, Ružanach i ŭ Žłobinie.

Najbolš naviedvalny z akvaparkaŭ Biełarusi — akvapark «Lebiadziny»
Piaty pa vieličyni ŭ Jeŭropie akvapark, «Lebiadziny» z dnia adkryćcia ŭ 2014 hodzie štodzień źmiaščaje na svaich čatyroch pavierchach sotni ludziej. Adnačasova tam mohuć znachodzicca dźvie tysiačy čałaviek. «Lebiadziny» — heta sapraŭdny kompleks zabaŭ i mahčymaściaŭ dla adpačynku na bierazie vadaschovišča «Drazdy». Aproč vialikaha basiejna, častka jakoha vychodzić na vulicu, akvapark źmiaščaje vialiki SPA-kompleks ź siamiu roznymi łaźniami, salanym pakojem, kupiellu, asobnym basiejnam z džakuzi i hidramasažam roznych vidaŭ. Akvazona — častka akvaparka pa-za SPA-kompleksam — taksama maje raznastajnyja džakuzi, hidramasažnyja dušy, fudkort, dziciačyja zabaŭlalnyja zony, siorfinh-trenažor i, viadoma, horki-atrakcyjony. Horak u zakrytaj i adkrytaj zonach adzinaccać. Usie jany roznaj daŭžyni i vyšyni, samaja vialikaja — čyrvonaja horka — maje daŭžyniu amal 210 mietraŭ. Na bolšaści ź ich možna katacca adnamu, ale na niekatoryja puskajuć tolki parami. Tamu łajfchak: kali źbieraciesia na atrakcyjony ŭ «Lebiadziny», lepiej iści kampanijaj z cotnaj kolkaściu ludziej.
Jak dajechać da akvaparka «Lebiadziny»?
Akvapark «Lebiadziny» znachodzicca pa adrasie h. Minsk, praśpiekt Pieramožcaŭ, 120. Dajechać možna aŭtobusam №119ch z čyhunačnaha vakzała, abo kala stancyi mietro Niamiha sieści na aŭtobus №1, dajechać da prypynku «Hvardziejskaja», a tam pierasieści na aŭtobus №44 abo №136.

Hrafik raboty akvaparka «Lebiadziny»
«Lebiadziny» pracuje z 9:00 da 23:00, fitnes-centr pry akvaparku pa budniach pačynaje rabotu ad 6:45 ranku.
Ceny ŭ akvaparku «Lebiadziny»
Ceny roznyja, u zaležnaści ad pasłuhaŭ i praciahłaści znachodžańnia. Naprykład, kvitok dla darosłaha z paniadziełka pa čaćvier z trochhadzinnym znachodžańniem u akvazonie budzie kaštavać 35 rubloŭ. Jość źnižki dla niepaŭnaletnich, piensijanieraŭ i ludziej z abmiežavanymi mahčymaściami. I chacia ceny ŭ «Lebiadzinym» mnohimi aceńvajucca jak vysokija, akvapark ci nie ŭvieś čas ładzić akcyi sa źnižkami ŭ 50%, a to i bolej. Časam dla źnižki prapanujecca kupić numar haziety «Presboł», niekali prynieści ček z kramaŭ «Miła» ci «Radziviłaŭski» abo z peŭnych aŭtazapravak. Niekatoryja z akcyj pradstaŭlenyja na sajcie akvaparka. Aficyjny prejskurant možna pahladzieć tut.
Telefony akvaparka «Lebiadziny»
Kansultacyjny call-centr pracuje ad 10:00 da 21:00. Źviazacca možna pa telefonach: +375 (17) 279-84-45; +375 (44) 505-65-10.
Niadaŭna ŭźnikły akvapark pad adkrytym niebam — akvapark Dreamland
Na terytoryi 9 hiektaraŭ raźmiaściłasia niekalki basiejnaŭ i roznyja pa ekstremalnaści vodnyja horki. Samyja vysokija ź ich — dvaccacimietrovyja «Viktoryja» i «Katryna». Mnohim daspadoby atrakcyjon «Bumieranh» — horka z efiektam zvarotnaha padzieńnia. Dyzajnam «Drymłend» nahadvaje hetkuju trapičnuju vyspu ŭ centry Biełarusi.
Usia terytoryja padzielenaja na admysłovyja zony. Tut možna papłavać pa štučnaj płyni, pahulać u valejboł ci pazaharać na šezłonhu z knihaj. Jość i dziciačy haradok, dzie dziaciej zabaŭlajuć prafiesijnyja animatary.
U «Drymłendzie» rehularna prachodziać roznamaštabnyja imprezy i fiestyvali. Kab nie prapuścić padzieju, jakaja vam pa dušy, najlepš sačyć za staronkaj Ukantakcie, bo sajt «Drymłenda» temaj akvaparka pa stanie na lipień 2018 hoda abnaŭlać nie śpiašajucca.

Jak dajechać da akvaparka Dreamland?
Adras akvaparka: h. Minsk, vuł. Arłoŭskaja, 80. Kali dabiracca hramadskim transpartam, to samy prosty sposab — sieści na aŭtobus №1 kala čyhunačnaha vakzała, stancyi mietro Niamiha abo na inšym zručnym prypynku pa hetym maršrucie. Jechać «adzinkaj» patrebna da prypynku «Płošča dziaržaŭnaha ściaha». Praz darohu ad miesca pryjezdu pabačycie kompleks Dreamland.
Hrafik raboty akvaparka Dreamland
Akvapark «Drymłend» pracuje ad paniadziełka pa niadzielu pa adnolkavym hrafiku: ad 10:00 da 21:00.
Ceny ŭ akvaparku Dreamland
Darosły naviedvalnik moža ceły dzień płavać za 19 rubloŭ. Jość roznyja taryfy (aktualny prajs tut). Imianińnikaŭ i dziaciej da troch hadoŭ puskajuć biaspłatna. Jość roznyja źnižki, bačyć ich možna na sajcie akvaparka abo manitoryć na Slivki.by.
Kantakty akvaparka Dreamland
Zadać pytańni «Drymłendu» možna praź infaliniju (+375 (29) 115-01-76, +375 (17) 369-74-01) abo pa elektronnaj pošcie (dreamlandpark@tut.by).
Akvapark «Frystajł»
Minski «Frystajł» admietny jak minimum dźviuma rečami. Pa-pieršaje, heta redki vypadak, kali nie samy maleńki akvapark raźmiaščajecca prosta ŭ centry horada. Pa-druhoje, pad jaho kupałam abjadnanyja nie tolki atrakcyjony vodnych zabaŭ dy łaźnieva-termalnaja zona dla naviednikaŭ, ale i prafiesijny kryty kompleks dla frystajlistaŭ. Jość mahčymaści dla trenirovak i spabornictvaŭ pa skačkach z tramplina i sinchronnym płavańni: možna treniravacca samomu, a kali nie, to pahladzieć, jak zajmajucca admysłoŭcy.
Dla darosłych tut majecca vialiki basiejn z šaściu horkami, biljard, boŭlinh, atrakcyjon «hidraŭličnaja katapulta», što vyšturchvaje čałavieka mocnym naporam vady ŭ nievialiki basiejn. Majecca trenažornaja zała, fitnies, akvaaerobika, kaviarnia i niekalki baraŭ. Dziciačaja zona abstalavanaja vodnym haradkom z dvuma basiejnami i mini-kafe.
Praviły akvaparka nie dazvalajuć pranosić na terytoryju ježu dy napoi. Na niekatoryja pasłuhi treba zapisvacca zahadzia. Z usimi praviłami možna aznajomicca pa spasyłcy.

Jak dajechać da akvaparka «Frystajł»?
Akvapark «Frystajł» raźmiaščajecca ŭ Minsku pa vulicy Surhanava, 4a, niedaloka ad st.m. Akademija Navuk. Dajechać možna jak na mietro, tak i naziemnym transpartam.
Hrafik raboty akvaparka «Frystajł»
Akvazona «Frystajła» pa vychadnych pracuje z 9:00 da 22:00. Z aŭtorka pa piatnicu — z 11:00 da 22:00. U paniadziełak — z 15:00 da 22:00. Pracoŭny hrafik roznych zon akvaparka adroźnivajecca, spraŭdzić čas pracy možna na sajcie.
Ceny ŭ akvaparku «Frystajł»
Zhodna z aficyjnym prajsam, try hadziny ŭ akvaparku ŭ budni dzień darosłamu (16+) buduć kaštavać 25 rubloŭ (pa stanie na lipień 2018 h.). Usie aktualnyja ceny možna pahladzieć tut. I nie zabyvajciesia sačyć za akcyjami!
Telefony akvaparka «Frystajł»
Asnoŭny telefon akvaparka (+ łaźnieva-termalny kompleks): +375 (17) 287-97-00. Linija pracuje adpaviedna z pracoŭnym hrafikam akvaparka, ź pierapynkam na abied ad 12:30 da 13:15.
Akvapark haścinicy «Biełaruś»
Vodny kompleks haścinicy «Biełaruś» mnohija zvykła nazyvajuć hučnym słovam «akvapark». U toj akvapark uvachodzić basiejn z čatyrma saŭnami, džakuzi, horkaj siaredniaj vyšyni, padvodnyja masažnyja paduški i dadatkova trenažornaja zała. Interjer basiejna azdobleny mazaičnym pałatnom «Biełaruś» narodnaha mastaka Alaksandra Kiščanki.
Siarod vodhukaŭ naviednikaŭ niamała narakańniaŭ na brud, ale i niamała vysokich acenak pra vietlivaść piersanału. Taksama niekatoryja adznačajuć kiepskuju adaptavanaść basiejna dla ludziej ź vialikaj vahoj: «Kali vy važycie bolš za 90 kiłahram, lepš nie spuskajciesia z horki, bo ź jaje vy vylecicie ŭ basiejn paŭmietrovaj hłybini i, chutčej za ŭsio, stukniciesia ab dno».
Praviły vodnaha kompleksa nie dazvalajuć pranosić na svaju terytoryju napoi ŭ šklanoj tary i ježu (u luboj upakoŭcy).

Jak dajechać da haścinicy «Biełaruś»?
Haścinica «Biełaruś» znachodzicca ŭ centry stalicy na bierazie raki Śvisłač. Dajechać možna jak na mietro da stancyi Niamiha, tak i naziemnym transpartam, naprykład, raz na 5 chvilin chodziać aŭtobusy №1 i №69 (prypynak «Haścinica Jubilejnaja»).
Hrafik raboty akvaparka ŭ haścinicy «Biełaruś»
Pracoŭny hrafik u paniadziełak: ad 14:00 da 22:00. Z aŭtorka pa niadzielu: ad 7:00 da 22:00.
Ceny ŭ akvaparku haścinicy «Biełaruś»
Viečarovy sieans dla darosłaha na dźvie hadziny budzie kaštavać 16 rubloŭ. Dajuć źnižku 20% pa studenckim bilecie. Uvieś prejskurant hladzicie tut.
Telefony haścinicy «Biełaruś»
Źviazacca ź fizkulturna-azdaraŭlenčym kompleksam (mienavita tak heta ŭsio nazyvajecca) možna ŭ pracoŭnyja hadziny pa telefonach: +375 17 209-71-62; +375 17 209-71-73; +375 29 198-49-59.
Akvapark «Maładziečna»
Znachodzicca, jak možna zdahadacca, u Maładziečnie. Abstalavany łaźnieva-termalnym kompleksam i dziciačaj zonaj. Maje try horki i vialiki basiejn, džakuzi i zvyčajny masaž, tureckuju łaźniu i saŭnu. Taksama kompleks abstalavany trenažornaj załaj i inšymi spartovymi placoŭkami, u tym liku katkom i tenisnym kortam. Dla charčavańnia jość kaviarnia i dva bary.

Jak dajechać da akvaparka «Maładziečna»?
Ladovy pałac z usim kompleksam pasłuh raźmiaščajecca ŭ horadzie Maładziečna (Minskaja vobłaść) pa adrasie vuł. Vialiki Haściniec, 102. Da samoha horada zručniej za ŭsio dajechać ciahnikom ci maršrutkaj. Ad vakzała chodzić aŭtobus №10 (prypynak «Elektramodul»).
Hrafik raboty akvaparka ŭ Maładziečna
Z paniadziełka pa piatnicu akvapark pracuje z 15:00 da 21:00, u subotu i niadzielu — z 12:00 da 21: 00.
Ceny ŭ akvaparku «Maładziečna»
Sieans na 45 chvilin dla darosłych kaštuje 4 rubli 70 kapiejek. Dzieciam da 16 hadoŭ — 3 rubli 40 kapiejek.
Telefony akvaparka «Maładziečna»
+375 (176) 74-61-88; +375 (176) 70-73-66.
Akvacentr u Hrodnie
Adzin ź pieršych vodnych parkaŭ u krainie. Jon prapanuje bolš za tryccać vidaŭ spartyŭna-azdaraŭlenčych pasłuh: try basiejny z roznaj tempieraturaj vady, tramplinami i vodnymi atrakcyjonami, kaskadami, hiejzierami, džakuzi, hidramasažam. Jość spa-pasłuhi z tryma łaźniami, try horki i taksama dziciačy basiejn. Dla charčavańnia praduhledžanyja kaviarnia i bar.

Jak dajechać da akvaparka ŭ Hrodnie
Adras akvacentra: h. Hrodna, vuł. Horkaha, 82. Hramadskim transpartam treba jechać da prypynku «Miedyčny ŭniviersitet». Tudy chodzić šmat aŭtobusaŭ i maršrutak. Ad čyhunačnaha vakzała, naprykład, možna dajechać numarami 15, 15t i 8t.
Hrafik raboty akvaparka ŭ Hrodnie
Čas pracy z paniadziełka pa subotu: z 7:00 da 22:00. U niadzielu: z 10:00 da 22:00.
Ceny akvacentra ŭ Hrodnie
Za hadzinu płavańnia darosły tut zapłocić 6,50 rubloŭ, dzicia ad 4 da 16 hadoŭ — 6 rubloŭ. Usie ceny hladzicie na sajcie.
Telefony akvacentra ŭ Hrodnie
+375 (33) 388-96-44; +375 (29) 639-06-00.
Akvapark «Aziorny»
Pieršy ŭ Biełarusi akvapark z čatyrma horkami, basiejnam, ruskaj i tureckaj łaźniami, saŭnaj, kaviarniaj. Znachodzicca na terytoryi sanatoryja «Aziorny» (ahraharadok Aziory Hrodzienskaha rajona). Asablivaść basiejnaŭ akvaparka — inavacyjnaja technałohija ačystki vady naturalnaj sollu.

Jak dajechać da akvaparka «Aziorny»
Dajechać da «Aziornaha», nie majučy aŭtamabila, prablematyčna. Rejsavyja aŭtobusy z Hrodna chodziać tolki pa sieradach, piatnicach i niadzielach (6:00 i 15:15). U Hrodnie aŭtobus spyniajecca na prypynku na praśpiekcie Kasmanaŭtaŭ (niedaloka ad aŭtavakzała), kancavy punkt «Parečča», vychodzić treba na prypynku «Aziorny». Adras akvaparka (jak i sanatoryja): Hrodzienski rajon, ahraharadok Aziory, sanatoryj «Aziorny».
Hrafik raboty akvaparka «Aziorny»
Akvapark i basiejn u budnija dni pracujuć z 15:30 da 22:00. U vychadnyja i śviaty: z 11:30 da 22:00. Hrafik raboty saŭn z paniadziełka pa piatnicu: 18:00 — 22:00, u subotu-niadzielu: 15:00 — 22:00.
Ceny ŭ akvaparku «Aziorny»
Darosłamu chvilina naviedvańnia akvaparka abydziecca ŭ 10 kapiejek, dzieciam — 8 kapiejek. Imianińnikaŭ z pašpartam puskajuć biaspłatna.
Telefony akvaparka «Aziorny»
Telefon kasy: + 375 (152) 798-774.
Akvapark «Kobryn»
U kobrynskim akvaparku pradstaŭlenyja čatyry horki, dva džakuzi i saŭna. U tym ža kompleksie jość vodahrazielačebnica.

Jak dajechać da akvaparka «Kobryn»
Adras akvaparka: Bresckaja vobłaść, h. Kobryn, vuł. Hasteły, 15. Schiemu prajezdu možacie pahladzieć na sajcie akvaparka.
Hrafik raboty akvaparka ŭ Kobrynie
Basiejn z atrakcyjonami pracuje z paniadziełka pa čaćvier ad 12:00 da 22:00, u piatnicu — z 12:00 da 23:00, u subotu — z 10:00 da 23:00, u niadzielu — z 10:00 da 22:00. Čas pracy astatnich pasłuh hladzicie na staroncy.
Ceny ŭ akvaparku «Kobryn»
Hadzina ŭ akvaparku darosłamu abydziecca ŭ 9 rubloŭ, dzieciam — 6 rubloŭ. Usie ceny tut.
Kantakty akvaparka «Kobryn»
Z administrataram akvaparka možna źviazacca pa telefonie: +375 (1642) 232-88. Abo pa elektronnaj pošcie: zakaz@ap-kobrin.com.
Akvapark «Pružany»
Akvapark ź dźviuma horkami, fantanami, atrakcyjonami, basiejnam, saŭnami, džakuzi, dziciačaj zonaj. Majecca taksama trenažornaja zała, biljard, nastolny tenis, badminton.

Jak dajechać da akvaparka «Pružany»
Adras akvaparka: Bresckaja vobłaść, h. Pružany, vuł. Zavadskaja, 19. Z aŭtastancyi chodziać aŭtobusy №6, №8 i №9.
Hrafik raboty akvaparka ŭ Pružanach
Paniadziełak: z 14:00 da 22:00. Aŭtorak — niadziela: z 10:00 da 22:00.
Ceny ŭ akvaparku «Pružany»
Hadzina dla darosłaha (tolki ŭ akvaparku) kaštuje 4 rubli 80 kapiejek, dla dziciaci — 3 rubli 60 kapiejek. Ceny na ŭsie pasłuhi hladzicie na sajcie.
Kantakty akvaparka «Pružany»
Telefon kasy: +375 (1632) 96-1-22.
Akvapark «Ružanski»
Pradstaŭleny horkami, dziciačaj zonaj, kompleksam łaźniaŭ (finskaja, ruskaja, tureckaja), płavalnym basiejnam. Znachodzicca pry sanatoryi «Ružanski».

Jak dajechać da sanatoryja «Ružanski»
Sanatoryj znachodzicca ŭ vioscy Zapolle Pružanskaha rajona. Instrukcyju, jak dajechać, možacie zirnuć tut.
Ceny ŭ akvaparku «Ružanski»
Hadzina naviedvańnia akvaparka abydziecca ŭ 4 rubli 50 kapiejek. Ceny na ŭsie pasłuhi hladzicie na sajcie.
Telefony akvaparka «Ružanski»
Dla zvankoŭ ź Biełarusi: +375 (1632) 33-4-26. Inšyja numary na sajcie.
Akvapark «Žłobin»
Adzin z samych vialikich akvaparkaŭ Biełarusi, dzie znachodzicca ekstremalnaja śpiralnaja horka «Tabahan» (72 mietry). Taksama akvapark maje dva basiejny niapravilnaj formy z horkami, dziciačaj zonaj, finskaj saŭnaj i tureckaj łaźniaj.

Jak dajechać da akvaparka «Žłobin»
Adras akvaparka: Homielskaja vobł., h. Žłobin, vuł. K. Marksa, 3/1. Ad čyhunačnaj stancyi da akvaparka možna dajechać aŭtobusami №3 i №4 (prypynak «Ladovy pałac»).
Hrafik raboty akvaparka ŭ Žłobinie
Ź sierady pa piatnicu akvapark pracuje ad 11:00 da 21:00, u subotu i niadzielu — z 10:00 da 21:00. U paniadziełak i aŭtorak akvapark nie pracuje.
Ceny ŭ akvaparku «Žłobin»
U budni dzień darosłym i dzieciam ad 15 hadoŭ za 1,5 hadziny ŭ akvaparku daviadziecca zapłacić 6 rubloŭ 50 kapiejek. Dziaciej da 5 hadoŭ puskajuć biaspłatna. Uvieś prejskurant hladzicie na sajcie.
Kantakty akvaparka «Žłobin»
Źviazacca z akvaparkam možna pa telefonach: +375 (2334) 50051; +375 (44) 587-00-51. Abo praz elektronnuju poštu: ledovik.z@mail.gomel.by, zorcom28@mail.ru.
Pryjemnaha vam adpačynku!
-
Šamietaviec: Paśla źniknieńnia ni Mielnikava, ni ad jaje imia na «Kibierpartyzanaŭ» nie vychodzili. Jana nie maje čym nas šantažavać
-
Zianon Paźniak: Zaraz intaresy režymu ŭ niejkaj stupieni supadajuć z nacyjanalnymi intaresami
-
«Kibierpartyzany»: Nie treba raździmać paniku, što režym usio moža ŭzłamać, pračytać, pra ŭsio daviedacca. Nie, nie moža
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary