Nočču 15 lipienia milicyja paviedamiła vyratavalnikam, što kala vioski Alaškoŭka Łojeŭskaha rajona Homielskaj vobłaści ŭ lesie zhubilisia dzieci — 4, 6 i 8-mi hadoŭ, raspaviali BiełTA ŭ MNS.
Uviečary 14 lipienia mužčyna z rasijskaha Biełamorska pryjechaŭ z tryma dziećmi na aŭtamabili ŭ les kala Alaškoŭki na adpačynak. Vyrašyŭ znajści dobraje miesca dla stajanki, sieŭ na rovar i pajechaŭ pa lesie, pakinuŭšy dziaciej kala mašyny. Ale mužčyna zabłudziŭsia. A pałovie druhoj nočy jon zmoh vyjechać ź lesu ŭ najbližejšuju viosku, adtul patelefanavaŭ u milicyju i paviedamiŭ, što nie moža znajści dziaciej.
Ratavalniki terminova adpravilisia na dapamohu.
U 4.35 vyratavalnik pabačyŭ i aŭtamabil, i dziaciej — jany byli za 3 km ad Alaškoŭki. Miedycynskaja dapamoha im nie spatrebiłasia.
Kamientary