«Ruki preč ad Kundery» 6

Miłan Kundera, fota AFP

11 litarataraŭ, u tym liku čatyry nobeleŭskija laŭreaty, vystupili ŭ paniadziełak u abaronu českaha piśmieńnika Miłana Kundery, jakoha kolki tydniaŭ tamu abvinavacili ŭ tym, što jon byŭ palicejskim danosčykam pry kamunistyčnym režymie.

Pra heta paviedamiła ahienctva Frans-Pres

«Heta paklopnickaja kampanija zaklikanaja ačarnić reputacyju Miłana Kundery», zaznačajuć litaratary ŭ sumiesnaj zajavie, raspaŭsiudžanaj francuskim vydaviectvam Halimar.

«Abvinavačvańni Kundery ŭ paklopnictvie -- heta nia bolš čym sproba kinuć cień na adnaho z najbujniejšych psimieńnikaŭ śvietu», adznačajuć piśmieńniki.

Siarod tych, chto padpisaŭ zajavu nobeleŭskija laŭreaty Habryel Harsija Markies (Kalumbija), Archan Pamuk (Turcyja), Nadzin Hordzimer (PAR), Džon Kutzee (PAR - Aŭstralija),

a taksama Karlas Fuentes (Meksyka), Sałman Rušdzi (Brytanija), Filip Rot (ZŠA), Žan Daniel (Francyja), Chuan Hajcisoła, Chorchie Sempran (abodva Hišpanija), Pjer Mertan (Belhija).

***

Nahadajem, što supracoŭnik českaha Instytutu pa vyvučeńni tatalitarnych režymaŭ znajšoŭ dakument, u jakim paviedamlajecca, što 14 sakavika 1950 hodu Kundera dakazaŭ palicyi na svaju znajomuju studentku, jakaja pryznačyła sustreču padpolščyku, zasłanamu ŭ krainu českim uradam u vyhnańni. Kurjera padpolla zvali Mirasłaŭ Dvoržačak. Praz danos Kundery 22‑hadovaha Dvoržačka aryštavali, asudzili na 22 hady turmy i adpravili na ŭranavyja rudniki.

Hladzi taksama:
Natalla Hievarkian. Streł z mahiły.
Kundera pačynaŭ žyćcio jak danosčyk

0

0

0

0

0

0

uł. inf.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH