La «Makdonaldzu» na Kastryčnickaj zaviazałasia patasoŭka pamiž fanami.
Milicyi pobač nie było. Fota Julii Daraškievič.
Adkazvajuć pieciarburskija futbolnyja zaŭziatary. Apytańnie na vulicach Miensku.
Ihar, 38 hadoŭ:
Milicyja ŭ vas vietlivaja — u čatyry nočy nas sustreli, jeździli z nami paŭsiudy, potym navat skazali: «Chłopcy, davajcie my vas adviaziem kudy treba».
Cimafiej, 19 hadoŭ
Fajny horad, tolki nulikaŭ zašmat. U sensie na hrošach. U nas taksama rubli, ale niejak praściej. Niazvykła: kuplaješ niešta, a tabie kažuć: «Stolki i stolki tysiač». Chacia ź inšaha boku, u kišeni taksama mnoha hrošaj: tysiačy, dziasiatki tysiač.
Alaksandr, 29 hadoŭ
Čysta tut u vas, achajnieńka. Charošaja stalica, kulturny horad. My chodzim i vielmi starajemsia nia śmiecić. Tramvai pryhožyja, nia toje što ŭ nas, kali chodziać — nie hrukočuć. Ludzi kulturniejšyja, navat nie kulturniejnyja, a chutčej spakajniejšyja. Śpiašajucca, ale nietaropka.
Śviatłana:
Kali pa ščyraści, dyk čakali što ceny buduć nižejšyja. Voś chacieli kupić vaš znakamity abutak, dyj prosta zakupicca, ale darahavata. Nu, i šyldy vašyja (staić la šapiku «Chutka-Smačna») — čytać viesieła. Vyhladajuć, jak niapravilnyja našyja. Toje, što padavałasia pamyłkaj, tut u vas bujnymi litarami napisana.
Dzianis, 20 hadoŭ
Padabajucca najpierš ludzi. Usie da nas staviacca pa-siabroŭsku. Padychodziać, vitajucca, kažuć, što im padabajecca Picier, ale siońnia buduć padtymlivać BATE. Učora ź mienskimi chłopcami ŭ pierachodzie śpiavali pieśni «Splina». Chutka i lohka znajšli kvateru na paru sutak. My ž tut na niekalki dzion — akramia futbołu chočam źjeździć u Chatyń.