U ideałahičnaj pracy treba pierachodzić ad uździejańnia na aŭdytoryju da ŭzajemadziejańnia ź joj. Takoje mierkavańnie vykazaŭ namieśnik kiraŭnika Administracyi prezidenta Uładzimir Žaŭniak na sieminary-praktykumie ideałahičnych rabotnikaŭ Minskaj vobłaści, pieradaje karespandent BIEŁTA.
«Nam treba budzie abmierkavać pavyšeńnie jakaści ideałahičnaj pracy ŭ adnosinach da ludziej. Niemahčyma prymianiać niejkija šabłony ŭ toj ci inšaj situacyi. Tolki indyvidualny padychod, abaviazkova z ulikam pazicyi kožnaha čałavieka, kalektyvu, arhanizacyi, rehijonu, — skazaŭ Uładzimir Žaŭniak. — Treba pierajści ad uździejańnia na aŭdytoryju da ŭzajemadziejańnia ź joj. Tady moža być stanoŭčy vynik».
Jon adznačyŭ aktyŭnuju pazicyju hramadzian, jakija stali bolš zacikaŭlenymi ŭ tym, što adbyvajecca na rodnym pradpryjemstvie, u dvary, nasielenym punkcie, rajonie, krainie.
«Čałaviek siońnia choča nie atrymlivać niejkija ŭstanoŭki, a ŭpłyvać na pryniaćcie rašeńniaŭ, atrymlivać infarmacyju ab tym, jak jany prymajucca i realizujucca. Jamu nieabyjakava, u jakim rajonie jon žyvie, na jakim pradpryjemstvie pracuje», - rastłumačyŭ Uładzimir Žaŭniak.
