Na rasijskim sajcie Logirus, jaki piša pra łahistyku ŭ Rasii, źjaviłasia infarmacyja, što z 1 žniŭnia spyniajecca propusk hramadzian trecich krain praź biełaruska-rasijskuju miažu. Hetaje rašeńnie Maskvy bje pa dachodach Biełarusi ad tranzitu.

Pryčyna takoha rašeńnia — rasijski zakon «Ab dziaržaŭnaj miažy Rasijskaj Fiederacyi». Pavodle jaho ŭsie katehoryi zamiežnych hramadzian mohuć ujazdžać u Rasiju ci vyjazdžać ź jaje praz šmatbakovyja / dvuchbakovyja punkty propusku, adkrytyja dla mižnarodnych znosin. Na rasijska-biełaruskaj miažy takich punktaŭ pakul niama. Tamu pierasiakać jaje na aŭtatransparcie mohuć tolki hramadzianie Rasii ci Biełarusi.
Rasijskaje vydańnie źviarnułasia pa kamientar da maskoŭskaha pradstaŭnictva Mižnarodnaha sajuza aŭtamabilnaha transpartu i da Biełaruskaj asacyjacyi mižnarodnych pieravozčykaŭ. U hetych ustanovach raskazali, što aficyjnych paviedamleńniaŭ na hetuju temu jany pakul nie bačyli.
A voś u biełaruskim MZS paćvierdzili, što rasijski bok sapraŭdy dasłaŭ biełaruskamu adpaviednaje apaviaščeńnie, paviedamiŭ načalnik adździeła ZED u TAA «HrodnaHruzEkspres» Andrej Rapiecki. Pry hetym abmiežavańni buduć tyčycca tolki fizičnych asob.
U vyniku takoha rašeńnia transpart z polskimi, litoŭskimi dy ŭkrainskimi kiroŭcami vymušany budzie abjazdžać Biełaruś praz Łatviju dy Ukrainu. Heta svajho rodu pakarańnie Biełarusi za rašeńnie dazvolić biaźvizavy ŭjezd inšaziemcaŭ u krainu.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Kamientary