Kaleha pieršaha hiendyrektara ORT Uładzisłava Liśćieva pa prahramie «Vzhlad» Dźmitryj Zacharaŭ nazvaŭ zamoŭcam jaho zabojstva pamierłaha aliharcha Barysa Bierazoŭskaha. Pra heta jon paviedamiŭ u intervju kanału MixTV, zapis jakoha dastupny na YouTube, piša Lenta.ru.
Hibiel Liśćieva Zacharaŭ źviazaŭ z manapolijaj na raźmiaščeńnie rekłamy na kanale ORT. «I voś niechta, chto stajaŭ za Uładam, vyrašajuć, što Pieršy kanał ŭvodzić maratoryj na raźmiaščeńnie rekłamy inšymi arhanizacyjami, a niepasredna raźmiaščeńniem budzie zajmacca sam Pieršy kanał. Adrazu łahična i lohka vyličyć, chto ad hetaha nios najbolšyja straty», — skazaŭ były viadučy prahramy «Vzhlad».
«Pracentaŭ z hetaj čverci miljarda pazbaŭlaŭsia usim nam dobra viadomy čałaviek, jakoha ŭžo ciapier niama ŭ žyvych. Jaki paviesiŭsia ci jakoha paviesili ŭ Łondanie. To bok, heta było nastolki vidavočna, što rasśledavać, ułasna kažučy, było niama čaho», — rastłumačyŭ Zacharaŭ. «Vy zhadali Barysa Biarozaŭskaha», — adkazaŭ jamu intervjujer, paśla čaho razmova praciahnułasia.
Zacharaŭ padkreśliŭ, što Liśćieŭ nieadnarazova atrymlivaŭ zvanki z pahrozami ad niejkich «ananimnych piersanažaŭ», jakija patrabavali admianić hetaje novaŭviadzieńnie. Na dumku viadučaha, Liśćieŭ pavioŭ siabie nierazumna, nie paprasiŭšy pravaachoŭnyja orhany ab abaronie. «Kali havorka idzie pra čverć miljarda dalaraŭ, jak vy razumiejecie, «pahraziać-pahraziać — dy i pierastanuć» nie pracuje», — dadaŭ kaleha pieršaha hiendyrektara ORT.
Teležurnalist Uładzisłaŭ Liśćieŭ byŭ zabity 1 sakavika 1995 hoda kala svajho doma ŭ Maskvie. Złačynstva da hetaha času nie raskryta.
Aliharch Barys Bierazoŭski byŭ znojdzieny miortvym 23 sakavika 2013 hoda ŭ domie byłoj žonki ŭ Askocie (Vialikabrytanija). Pryjarytetnaj viersijaj śmierci ličycca samahubstva.
