Lider Ruchu «Za svabodu» Alaksandar Milinkievič, a taksama staršynia BSDH Stanisłaŭ Šuškievič voźmuć siońnia ŭdzieł va ŭračystym śviatkavańni 90‑hodździa niezaležnaści Polščy. Z hetaj nahody prezydent Polščy Lech Kačyński arhanizuje bal. Na jaho byli zaprošanyja prezydenty i kiraŭniki ŭradaŭ 55 krain (zrešty, daloka nia ŭsie adkazali zhodaj), ahulnaja kolkaść haściej pavinna skłaści paŭtara tysiačy čałaviek.
Svoj udzieł va ŭračystaściach paćvierdzili prezydenty Litvy, Łatvii, Estonii, Vuhorščyny, Hruzii i Charvatyi. U Varšavu taksama planujuć pryjechać kanclerka Hiermanii i premjer‑ministr Čechii.
Alaksandra Łukašenku na śviatkavańnie ŭ polskuju stalicu nichto nie zaprašaŭ.