Siońnia na 91 hodzie žyćcia pamior biełaruski hramadska-kulturny dziejač u Litvie Chviedar Niuńka.
Pa infarmacyi ad dački Niny raźvitańnie budzie ŭ Jeŭfrasińnieŭskim sabory, što pry mohiłkach Lipoŭka. Pachavańnie ŭ piatnicu na hetych ža mohiłkach.
Ad ŭtvareńnia 4 lutaha 1989 hodu da 29 vieraśnia 2014 hodu jon źjaŭlaŭsia staršynioj Tavarystva biełaruskaj kultury ŭ Litvie.
Niuńka naradziŭsia ŭ vioscy Alešavičy ŭ hminie Kamienka ŭ Zachodniaj Biełarusi, što tady ŭvachodziła ŭ skład Polščy (ciapier Mastoŭski rajon, Haradzienskaja vobłaść, Biełaruś) 6 krasavika 1928 hoda.
U 1943 hodzie siamja Niuńki pierajechała ŭ Vilniu, u jakoj jon u 1948 hodzie skončyŭ rasijskuju himnaziju imia Čarniachoŭskaha. Vučyŭsia na lasnym fakultecie Litoŭskaj sielskahaspadarčaj akademii (skončyŭ u 1953 hodzie).
Ciaham 35 hadoŭ da 1992 hodu pracavaŭ hałoŭnym śpiecyjalistam pa kaštarysach u prajektnych budaŭničych instytutach Vilni. Z 1980-ch hadoŭ vioŭ aktyŭnuju hramadska-kulturnuju pracu pa adradžeńni biełaruskaści ŭ Litvie.
Pachavańnie adbudziecca ŭ piatnicu ŭ 13.30.
Kamientary