Fota Ułada Šviadoviča
U pracesie pa «spravie REP» 17 žniŭnia prakurorka ahučyła svaje prapanovy pa pakarańni Hienadzia Fiadyniča i Ihara Komlika, piša spring96.
Prakuror Lilijana Litviniuk paprasiła pakarać staršyniu niezaležnaha prafsajuzu pracaŭnikoŭ radyjoelektronnaj pramysłovaści Hienadzia Fiadyniča i buchhaltara REPu Ihara Komlika 5 hadami abmiežavańnia voli biez nakiravańnia ŭ papraŭčuju ŭstanovu, kanfiskacyjaj majomaści i zabaronaj zajmać kiroŭnyja pasady ciaham 5 hod.
Jana śćviardžaje, što abvinavačanyja ŭśviedamlali złačynnaść svaich dziejańniaŭ i heta paćviardžajecca znojdzienymi padčas pieratrusaŭ u ofisie REP schovankami. Mieru strymańnia — padpisku ab niavyjeździe — prakurorka prapanuje pakinuć raniejšaj.
Dom Fiadyniča ŭ Suchadołach prapanuje kanfiskavać, ale kvateru, dzie žyvie jahonaja siamja, vyzvalić ad aryštu.
Hienadzia Fiadyniča i Ihara Komlika abvinavačvajuć va ŭchileńni ad spłaty padatkaŭ na 23 tysiačy rubloŭ. Jak ličyć śledztva, pa vinie svaich lideraŭ prafsajuz REP nie spłaciŭ u dziaržaŭny biudžet padatkaŭ na ahulnuju sumu 22 tysiačy 867 rubloŭ 10 kapiejek. Abvinavačańnie padało pazoŭ ab spahnańni majomasnaj škody na hetuju sumu.