flickr.com
Kiraŭnik urada Katałonii Kim Tora paabiacaŭ aktyŭna zmahacca ź ispanskaj dziaržavaj. Adpaviednuju zajavu rehijanalny lidar zrabiŭ u piatnicu, pieradaje karparacyja Radio y Television Espanola.
Tora pryniaŭ udzieł u mitynhu la katałonskaj turmy, kudy na čas sudovych razhladaŭ pa spravie, źviazanaj ź sieparatysckim pracesam, źmieščany były daradca pa ŭnutranych spravach pry ŭradzie aŭtanomii Žaakim Forn. Akt byŭ prymierkavany da pieršaj hadaviny teraktu ŭ Katałonii, jaki byŭ ździejśnieny 17 žniŭnia minułaha hoda. Tora zapeŭniŭ, što prychilniki niezaležnaści rehijona nie spyniacca da taho času, pakul katałonski narod nie zdabudzie volu. «My nie budziem abaraniacca, my budziem iści ŭ ataku na hetu niespraviadlivuju [ispanskuju] dziaržavu», - adznačyŭ kiraŭnik urada aŭtanomii.
Tora taksama zaklikaŭ «adnavić hramadzianskija i palityčnyja pravy» u Katałonii.
U rehijonie ŭ piatnicu prajšli roznyja mierapryjemstvy i mitynhi ŭ pamiać achviaraŭ teraktu 17 žniŭnia 2017 hoda. Tady na turystyčnaj vulicy Rambła ŭ centry Barsiełony kiroŭca furhona ździejśniŭ naŭmysny najezd na minakoŭ. Praź niekalki hadzin u nasielenym punkcie Kambryls u pravincyi Tarahona palicyja Katałonii likvidavała piać terarystaŭ. Jany sprabavali ažyćciavić terakt, anałahičny tamu, jaki byŭ ździejśnieny ŭ Barsiełonie. Achviarami napadaŭ stali 16 čałaviek, jašče kala 130 paciarpieli
