U Słonimie rabočyja ŽKH brali piasok dla ramontu piešachodnaj darožki ź dziciačaj piasočnicy
27 červienia na sajcie Słonimskaj ŽKH žycharka horada Hanna Čyściakova raspaviała pra toje, jak rabotniki kamunalnaj słužby ramantavali tratuar na vulicy F. Skaryny. Žančyna paviedamiła pra toje, što piasok dla hetaha brali… prosta ź dziciačaj piasočnicy.
Fota źjavilisia ŭ sacsietkach.
«Vašy rabotniki na minułym tydni pravodzili ramont tratuara i brali piasok z našaj samarobnaj piasočnicy! My ciahali hety piasok sami viodrami, kab našym dzieciam było dzie hulać! Za apošnija try hady ŭ našu piasočnica vy nie pryvieźli ni viadra piasku! Prymicie miery! Zrabicie piasočnicy dzieciam! Ci my napišam prezidentu!» — napisała Hanna.
Jak pieradaje «Hazieta Słonimskaja», reakcyja administracyi ŽKH nie prymusiła siabie čakać: «Pry praviadzieńni rabot pa ramoncie piešachodnaj darožki rabotnikami ŽEU-2 ŽREP Słonimski HUP ŽKH vykarystoŭvałasia niaznačnaja kolkaść piasku ź piasočnicy. Majstru ŭčastka ŽEU-2, jaki adkazvaje za damy, ukazana na niedapuščalnaść vykarystańnia piasku ź piasočnicy dla vykanańnia ramontnych prac pa absłuhoŭvańni žyłfondu. Pa prośbie žycharoŭ na dvarovaj terytoryi doma, kala šostaha padjezda, ustalavana novaja piasočnica, napoŭnienaja piaskom», — adkazali ŭ ŽKH.
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju26
Kamientary