Zatrymańni kala Doma Pravasudździa. Fota: spring96.org.
Paśla abviaščeńnia prysuda pa spravie lideraŭ prafsajuza REP Hienadzia Fiadyniča i Ihara Komlika kala budynku Doma pravasudździa, dzie prachodziŭ praces, hramadskija aktyvisty zładzili pikiet u padtrymku niezaležnaha prafsajuza. Jany razharnuli bieł-čyrvona-biełyja ściahi, ściah prafsajuza REP i «Jeŭrapiejskaj Biełarusi».
Prykładna praz 10 chvilin da ich padjechaŭ čyrvony aŭtobus z amapaŭcami, jakija zatrymali aktyŭnych pikietoŭcaŭ. Siarod zatrymanych byli Volha Nikałajčyk, Leanid Kułakoŭ, Maja Naumava, Uładzimir Nieŭmiaržycki, aktyvist prafsajuza REP ź Bieraścia Pavieł Mročka, aktyvist REP z Babrujska Alaksandr Čmychaŭ.
Paźniej, pry adychodzie ad budynku suda byli zatrymany palityk Mikoła Statkievič, aktyvist «Jeŭrapiejska Biełarusi» Maksim Viniarski i jašče niekalki čałaviek.
Pavodle pravaabaroncaŭ, 24 žniŭnia paśla suda pa «spravie prafsajuzaŭ» było zatrymana 11 čałaviek:
- Aleś Abramovič (Barysaŭ);
- Volha Nikałajčyk;
- Leanid Kułakoŭ;
- Maja Naumava;
- Uładzimir Nieŭmiaržycki;
- Pavieł Mročka (Brest);
- Alaksandr Čmychaŭ (Babrujsk);
- Maksim Viniarski;
- Mikoła Statkievič;
- Tamara Zajcava (Kalinkavičy);
- Andrej Chrenkoŭ.
Usie jany byli dastaŭleny ŭ RUUS Maskoŭskaha rajona Minska.
Zatrymanyja aktyvisty znachodziacca ŭ RUUS užo bolš za try hadziny. U mužčyn adabrali šnurki. Adzin ź milicyjantaŭ Maskoŭskaha RUUS paviedamiŭ, što usich zatrymanych «afarmlajuć na sutki» i čakać ich siońnia nie maje sensu. Vierahodna ŭ paniadziełak adbudziecca sud.
