Alaksandr Łukašenka daŭ vialikaje intervju telekanału «Biełaruś-1».
Adna z uźniatych temaŭ — strachi kiraŭnika dziaržavy.
«Ja ŭ ahladzie pračytaŭ roznyja tłumačeńni na temu strachaŭ, žachaŭ dla Łukašenki ŭ budučyni i hetak dalej.
Pa-pieršaje, mnie ŭžo ničoha nie strašna. Ja čałaviek, jaki prajšoŭ praz mnohija strachi. Ale jość adzin strach, kali jaho možna stracham nazvać, — heta ekanomika. Ja zaŭsiody pra heta kažu.
Kali budzie ŭ nas raźvivacca narmalnaja ekanomika, buduć bolš-mienš narmalna žyć našy ludzi, nu choć by jak ciapier, nijakich strachaŭ dla biełarusaŭ być nie moža. Nie isnuje takich strachaŭ. Ni źniešniaja ahresija, ni što nas chtości zaniavolić, zachopić, što nas niechta padparadkuje… Nijakich bolš strachaŭ niama, akramia ekanomiki», — zajaviŭ Łukašenka.
