Voś što piša ŭ svaim fejsbuku Dźmitryj Dryhajła, vice-prezident kampanii «TeleTrejd»:
«Faktyčna pa-biełarusku bortpravadniki tolki vitajucca, a ŭsiu astatniuju infarmacyju: demanstracyju avaryjna-vyratavalnych prystasavańniaŭ, prapanovu ježy-napojaŭ, hatoŭnaść da vyletu ahučvajuć tolki pa-rusku i pa-anhlijsku. Piłoty taksama vitajuć pasažyraŭ na borcie samalota pa-rusku. Adsiul vynikaje łahičnaje pytańnie: čamu tak? I čamu nielha rabić abviestki pa-biełarusku?»
Hetyja pytańni my adrasavali pres-sakratarcy «Biełavija» Volzie Ščuko.
«Biełaruskaja mova nie źnikała z bortaŭ biełaruskaha pieravozčyka, moŭnyja źmieny zakranuli tolki infarmacyju ŭ častcy demanstracyi ŭźlotna-vyratavalnaha abstalavańnia.
My z pavahaj stavimsia da biełaruskaj movy i mienavita tamu, usia inšaja infarmacyja (pryvitańnie, infarmacyja ab charčavańni, važnaja infarmacyja pierad uźlotam i pasadkaj i inšaje) abjaŭlajecca bortpravadnikami na biełaruskaj movie.
Demanstracyja vyratavalnaha abstalavańnia — adna z samych važnych častak infarmacyi, jakuju bortpravadniki abaviazany danieści da pasažyraŭ.
Avijakampanija «Biełavija» robić usio, kab palot prachodziŭ, u pieršuju čarhu, biaśpiečna i kamfortna.
Źmieny ŭ moŭnaj padačy instruktaža źviazany ź vialikaj kolkaściu zvarotaŭ hramadzian Kazachstana, Turkmienistana, Azierbajdžana, Hruzii, Armienii i inšych, jakija nie vałodajuć ni biełaruskaj, ni anhlijskaj movami, ale razumiejuć ruskuju», — havorycca ŭ aficyjnym piśmovym adkazie «Biełavija».
