Na Homielščynie zapracavaŭ pieršy STEM-centr, dzie vučać 3D-madelavańniu i robatatechnicy
Pieršy ŭ Homielskaj vobłaści rajonny STEM-centr adkryŭsia siońnia ŭ Lelčyckaj siaredniaj škole №1, paviedamili karespandentu BIEŁTA ŭ Parku vysokich technałohij.
U STEM-centry zmohuć biaspłatna zajmacca vučni z 2 pa 10 kłas z roznych škoł horada i rajona.
U prahramie — kiravańnie bieśpiłotnymi latalnymi aparatami, 3D-madelavańnie i druk, adukacyjnaja robatatechnika ŭ pačatkovaj škole, zajmalnaja robatatechnika, asnovy prahramavańnia mikraelektroniki, stvareńnie kiravanych pryład na bazie vyličalnaj płatformy Arduino, a taksama prahramavańnie ŭ Scratch.
Za 2018/2019 navučalny hod u centry płanujecca navučyć kala 150 školnikaŭ.
Śpiecyjalnyja kursy Parku vysokich technałohij pa navučańni školnikaŭ prahramavańniu prajšli try nastaŭniki Lelčyckaj siaredniaj škoły №1. Adna ź ich — nastaŭnica infarmatyki Śviatłana Mieščanka — užo pačała vučyć školnikaŭ prahramavańniu ŭ asiarodździ Scratch. Jana adznačaje, što navučańnie ŭ STEM-centry stanie stymułam dla vyvučeńnia dziećmi dakładnych navuk, stanoŭča paŭpłyvaje na ich paśpiachovaść i stanie karysnym i cikavym baŭleńniem času.
STEM-centr — prajektnaja łabaratoryja, u jakoj studenty i školniki mohuć pravieści daśledavańni z vykarystańniem sučasnaha (u tym liku ličbavaha) abstalavańnia.
STEM — abrevijatura čatyroch asnoŭnych napramkaŭ, jakija majuć siońnia klučavuju rolu ŭ raźvićci technałohij: naturalnyja navuki, infarmacyjnyja technałohii, inžynierynh, matematyka.
Prajekt staŭ mahčymy dziakujučy padtrymcy Parka vysokich tiechnołohij.
Čytajcie taksama:
Vunderkindy z hłybinki Uład i Ženik chočuć stać vynachodnikami. Ale biez nastaŭnikaŭ i kampjutaraŭ u ich amal niama šancaŭ
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary