Sacsietka «Ukantakcie» druhi raz za sutki abnaviła raździeł «Praviły» na ruskaj movie. Ranicaj 3 vieraśnia z praviłaŭ źnik punkt, zhodna ź jakim, karystalniki mohuć «vydalić usiu infarmacyju» pra siabie razam sa staronkaj, piša bbc.com.
Paśla publikacyi Bi-bi-si sacsietka viarnuła praviły raniejšaj redakcyi, dzie hety punkt jość.
Źmieny nie adbyvalisia na anhłamoŭnaj viersii praviłaŭ.
U samoj sacsietcy Bi-bi-si tady paviedamili, što źmieny majuć techničny charaktar. Pradstaŭniki kampanii spasłalisia na praviły abarony infarmacyi pra karystalnikaŭ, u jakich havorycca pra mahčymaść vydalić piersanalnyja źviestki na staroncy (punkt 5.1.5).
Źmieny adbylisia praź niekalki dzion paśla zapusku reformy pryvatnaści ŭ sacsietcy, jakaja dazvoliła całkam začyniać svoj profil ad nieznajomcaŭ.
Źmiena naład była anansavana paśla krytyki ŭ adras «Ukantakcie» z-za vialikaj kolkaści spraŭ ab ekstremiźmie, raspačatych na asnovie publikacyj u sacsietcy. Paviedamlałasia i pra vypadki, kali ŭvahu śledčych pryciahvali pasty z užo vydalenych staronak.