Jak stała viadoma «Našaj Nivie», źmianiŭsia kiraŭnik hałoŭnaha ideałahičnaha ŭpraŭleńnia Administracyi prezidenta. Zamiest Alaksandra Iljasieviča na hetuju pasadu pryznačanaja Volha Špileŭskaja. Chto jana?
Volha Špileŭskaja. Fota fotostrana.ru
Volzie Špileŭskaj 42 hady. U 1994 hodzie jana, jašče budučy studentkaj fakulteta žurnalistyki BDU, pryjšła pracavać u Biełteleradyjokampaniju. Ź ciaham času darasła da kiraŭnicy karespandenckaj sietki Ahienctva televizijnych navinaŭ.
Potym jana pracavała hałoŭnym redaktaram u dziaržaŭnych hazietach «Viačerni Minsk» i «Minskaja praŭda».
Akurat hod tamu Špileŭskuju pieraviali ŭ kiraŭniki Nacyjanalnaha pres-centra. Ciapier — u hałoŭnyja ideołahi.
U 2016 hodzie joj taksama było dadziena zvańnie «Čałaviek hoda Minščyny».
Jak kažuć znajomyja sa Špileŭskaj, na novaj pasadzie za nievialiki čas jana prajaviła siabie jak žančyna z mocnym charaktaram, jakaja chutka dumaje i maje «śviežy pozirk».
Los jaje papiarednika Alaksandra Iljasieviča chutka vyrašycca — jon maje pajści pracavać u inšaje miesca.
Nahadajem, namieśnikam kiraŭnika Administracyi prezidenta pa ideałohii zastajecca Uładzimir Žaŭniak, pryznačany ŭ krasaviku 2018 hoda. Jaho možna ličyć niepasrednym načalnikam Volhi Špileŭskaj.
