U ZŠA zoaabaroncy vyratavali piaciarych vavierčaniat, jakija zabłytalisia chvastami ŭ hniaździe. Pra heta paviedamlaje infarmacyjny partał Fox News.
Tavarystva abarony žyvioł štata Viskonsin na svajoj staroncy ŭ Facebook apisała apieracyju pa vyratavańni vaviorak. Ich zaŭvažyŭ adzin ź miascovych žycharoŭ i vyklikaŭ abaroncaŭ žyvioł. «U hordzijeŭ vuzieł ź ich chvastoŭ uplalisia ściebły i kavałki płastyku, ź jakich ich maci viła hniazdo», — patłumačyli jany.
Kab razbłytać chvasty, spatrebiłasia apieracyja, jaje pravodzili pad ahulnym narkozam.
«Było niemahčyma zrazumieć, dzie čyj chvost, i my byli vielmi zaniepakojenyja, tamu što ich tkanki byli mocna paškodžany z-za taho, što tudy nie pastupała kroŭ», — zaŭvažyli zaaabaroncy. Apieracyja zaniała kala 20 chvilin, vieterynary vykarystoŭvali tolki nažnicy.
Vavierčaniaty całkam adyšli ad narkozu. Zoaabaroncy płanujuć nazirać ich niekalki tydniaŭ, kab pierakanacca, što kryvaciok u ich chvastach całkam adnaviŭsia. Jany padkreślivajuć, što chvost — žyćciova važnaja častka cieła dla vaviorki: jon dapamahaje trymać raŭnavahu i nie źmierznuć u chałodnaje nadvorje.
