TVC
Kiraŭnik Centralnaj vybarčaj kamisii Rasii Eła Pamfiłava paśla pasiadžeńnia pa situacyi z druhim turam vybaraŭ u Prymorskim krai, adkazvajučy na pytańni ab terminach praviadzieńnia novaha hałasavańnia, raspłakałasia, piša RBK. Praŭda, na videa śloz nie vidać — tolki niervovy hołas.
«Vy viedajecie, jak kryŭdna było — uziali i pierakreślili ŭsiu pracu. My zaraz ź Mikałajem Ivanavičam (Bułajevym, namieśnik kiraŭnika CVK) kazali, heta prosta nie pieradać … bo my tut žyviom užo, nikoha nie bačym. Stolki zrabili … Usio prazrysta, idziom krok za krokam. I raptam raz — i taki ŭdar pad dych», — skazała jana, ledź nie raspłakaŭšysia.
«Važna było na apiaredžańnie spracavać, kab jany (rehijony, dzie prachodzili druhija tury) pačuli: ludzi, nikomu spusku nie budzie. Ja nie dazvolu bolš voś tak uziać i pierakreślić našu pracu i pracu vielizarnaj kolkaści ludziej. Vielmi surjoznaja adkaznaść budzie. My rašuča nastrojeny na admienu vybaraŭ, kali budzie na toje nahoda surjoznaja. I ja chaču, kab heta viedali ŭsie zaraz, — nikomu spusku nie budzie», — padkreśliła jana.
