Milicyja abvierhła čutki pra bandu piedafiłaŭ u Viciebsku, paviedamiŭ BIEŁTA aficyjny pradstaŭnik UUS Viciebskaha abłvykankama Vital Sapronienka.
Apošnim časam u sacyjalnych sietkach, a čaściej u baćkoŭskich čatach raspaŭsiudžvajucca čutki pra piedafiłaŭ, jakija zavablivajuć dziaciej z dapamohaj kacianiat. Takija zdahadki źjaŭlajucca ŭ sacsietkach pa niekalki razoŭ na hod, i štoraz u paviedamleńniach spasyłajucca na papiaredžańni z boku MUS.
«Historyja z vydumanymi piedafiłami i kacianiatami paŭtarajecca z zajzdrosnaj rehularnaściu ŭžo na praciahu hadoŭ dziesiaci.
Tekst paviedamleńnia praktyčna nie źmianiajecca, tolki fatahrafii na ŭlotcy byvajuć roznymi — dzieści darosłyja baradatyja mužčyny, u inšym vypadku maładyja ludzi hadoŭ 20», - rastłumačyŭ Vital Sapronienka.
Jon padkreśliŭ, što ŭsia hetaja infarmacyja źjaŭlajecca nie bolš čym vydumkaj. Tym nie mienš, heta padstava dla dadatkovaj prafiłaktyčnaj hutarki baćkoŭ ź dziećmi na temu asabistaj biaśpieki.
U 2017 hodzie ŭ Viciebsku chadzili čutki pra ludziej, jakija sprabujuć złavić dziaciej i pačastavać ich cukierkami z narkotykami.
