The Bellingcat sumiesna z žurnalistami rasijskaha vydańnia The Insider apublikavali novyja paćvierdžańni datyčnaści Alaksandra Piatrova i Rusłana Bašyrava, jakija padazrajucca ŭ atručvańni Siarhieja i Julii Skrypaloŭ u brytanskim Sołśbiery, da rasijskaj vajennaj raźviedki.
Akazałasia, što ŭ fajle pra Bašyrava jość taki samy hryf sakretnaści, a taksama telefonny numar Ministerstva abarony Rasii, jakija raniej zaŭvažyli na dakumientach Piatrova.
Na prynaležnaść padazravanych da HRU taksama pakazvajuć numary ich pašpartoŭ. Dakumienty Bašyrava i Piatrova zakančvajucca na 294 i 297. Blizki pa numary zamiežny pašpart u inšaha supracoŭnika HRU Eduarda Šyrokava (Šyšmakova), jakoha Čarnahoryja abvinavačvaje ŭ sprobie arhanizacyi dziaržaŭnaha pieravarotu. U jaho taki samy numar pašparta, ale na kancy ličby 323.
Chutčej za ŭsio, supracoŭniki HRU atrymlivajuć pašparty asablivaj sieryi — a kali heta tak, to luby achvočy, atrymaŭšy dostup da bazy pašpartoŭ, moža znajści ŭsich supracoŭnikaŭ hetaj arhanizacyi.